فیفا عالمی کپ 2022: سربیا کے خلاف کیمرون کی شاندار واپسی، میچ 3-3 سے ڈرا

Source: S.O. News Service | Published on 29th November 2022, 11:29 AM | اسپورٹس |

قطر، 29؍نومبر (ایس او نیوز؍ایجنسی) فیفا عالمی کپ میں کیمرون اور سربیا کا میچ  3-3 کے اسکور پر  ختم ہوا۔ سربیا، جس نے پہلے ہاف میں  ایک گول کے مقابلے دو  گولوں کی سبقت حاصل کر لی تھی اور دوسرے ہاف کے شروع ہوتے ہی ایک گول اور کر کے تین گول  کر کے دو گولوں کی سبقت حاصل کر لی تھی، لیکن کمیرون کے جیسے ہی اسٹرائیکر ابو بکر میدان میں اترے ویسے ہی کھیل بدل گیا۔ پہلے ابو بکر نے خود ایک شاندار گول کیا تو اس کے بعد ان کے دیے ہوئے پاس پر چوپو موٹنگ نے گول کر کے میچ کو برابری پر لا دیا۔

سربیا نے زیادہ اچھے کھیل کا مظاہرہ کیا لیکن دفاعی غلطیوں کی وجہ سے میچ برابری پر ختم ہوا جس کی وجہ سے دونوں ٹیموں کے لئے آگے جانے کے امکانات ابھی باقی ہیں۔ آج دیر رات اسی گروپ کی برازیل ٹیم کا مقابلہ سوئٹزرلینڈ سے ہوگا اور جو اس میچ میں جیتے گا اس کا اگلے دور میں جانا یقینی ہو جائے گا۔ لیکن اس گروپ سے جو دوسری ٹیم جائے گی اس کا فیصلہ اس گروپ کے اگلے میچوں سے ہوگا۔ ابھی برازیل اور سوئٹزرلینڈ کے تین تین پوائنٹس ہیں جبکہ کیمرون اور سربیا کے ایک ایک پوائنٹ ہیں۔

سربیا کی ٹیم شروع سے ہی میچ میں حاوی رہی لیکن جوش میں کھیل رہی کیمرون کی ٹیم نے اس کا اچھا مقابلہ کیا اور میچ کو برابری پر ختم کیا۔ سربیا  کے اسٹرائیکر میتروچ کی نے شاندار کھیل کا مظاہرہ کیا لیکن آج ان کا دن نہیں تھا اور وہ کئی  گولوں سے محروم رہ گئے۔ ایک بار گیند گول پوسٹ سے ٹکرا کر واپس آ گئی اور دوسرے کئی موقعوں پر بہت قریب سے گزر گئی۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...