بھٹکل:23؍جولائی (ایس اؤ نیوز)تعلقہ کے پرورگا میں پہاڑ کھسکنے کا خدشہ ظاہر ہونےپر بھٹکل اسسٹنٹ کمشنر ساجد ملا نے جائے وقوع کا دورہ کرتےہوئے معائنہ کیا۔
عوام نے اے سی ساجد ملا کے سامنے حالات بیان کرتے ہوئے کہاکہ پہاڑ کے اوپر ایک شخص ذاتی طورپر مٹی نکال رہاہے، جس کےنتیجےمیں پہاڑ کی مٹی ڈھیلی ہورہی ہے ، پہاڑ کے دامن میں کئی لوگ گھر تعمیر کرتےہوئے رہائش پذیر ہیں۔عوام نے خدشہ ظاہر کیا کہ شہر میں اگر زوردار بارش ہوتی ہے تو پھر پہاڑ کھسک کر گھروں پر گرنا طئے ہے۔ اسسٹنٹ کمشنر نے عوام کو یقین دلایا کہ وہ اس سلسلےمیں ضروری اقدام کریں گے۔