اُڈپی: ایس ایس ایل سی امتحان دینے والی لڑکی کے والد کی رپورٹ آئی کورونا پوزیٹیو؛ امتحان دینے والے ساتھی طلبہ میں تشویش

Source: S.O. News Service | By I.G. Bhatkali | Published on 28th June 2020, 1:27 PM | ساحلی خبریں |

اُڈپی 28/جون (ایس او نیوز)ضلع کے پڈوبدری میں ایک طالبہ کے والد کی رپورٹ کورونا پوزیٹیو آنے کے بعد ایس ایس ایل سی امتحان دینے والے ساتھی طلبہ میں خوف و ہراس پیدا ہوگیا ہے، یہ بات الگ ہے کہ امتحان گاہ میں  سماجی دوری پیدا کرتے ہوئے  اور دیگر ضروری احتیاطی اقدامات کے ساتھ  امتحانی پرچہ لکھنے کی سہولیات فراہم کی گئی ہیں، مگر ایک ساتھی طالبہ کے  والد کی رپورٹ پوزیٹیو آنے کے بعد نہ صرف دیگر طلبہ بلکہ  امتحان منعقد کرنے والوں کے لئے بھی تشویش کی لہر دوڑ گئی ہے۔  اب متعلقہ طالبہ کے بھی تھوک کےسیمپل جانچ کے لئے روانہ کئے گئے ہیں اور اتوار شام تک رپورٹ موصول ہونے کی توقع ہے۔

ذرائع سے ملی اطلاع کے مطابق  طالبہ دوسرے بہت سارے  طلبہ کےساتھ ایس ایس ایل سی امتحان دے رہی ہے، لیکن اب متعلقہ طالبہ کی رپورٹ بھی پوزیٹیو آتی ہے تو پھر اُسے ایس ایس ایل سی کے  بقیہ پرچے لکھنے کی اجازت نہیں دی جائے گی اور اسے سپلیمنٹری  امتحان میں ہی پرچے لکھنے کےلئے کہا جائے گا۔

اُڈپی کے ڈی ڈی پی آئی کے شیشا شائنا کرینجا نے بتایا کہ  اگر طالبہ کی رپورٹ نیگیٹیو آتی ہے تو پھر اس طالبہ کو دیگر بچوں کے ساتھ امتحان گاہ میں نہیں بٹھایا جائے گا بلکہ اسے الگ تھلک کمرے میں پرچہ لکھنے کی اجازت دی جائے گی۔

یاد رہے کہ کورونا وباء کی وجہ سے ایس ایس ایل سی کے امتحانات  قریب تین ماہ کی  تاخیر کے بعد  مکمل حفاظتی انتظامات اور احتیاطی تدابیر کے ساتھ   منعقد کئے گئے ہیں، 25 جون سے شروع امتحانات 4 جولائی کو اختتام کو پہنچیں گے۔

 

ایک نظر اس پر بھی

مینگلور: کورونا کا پھر زبردست اچھال، 196کیس نکلے پوزیٹیو۔ اڈپی میں 41نئے معاملات؛ دونوں اضلاع میں 6 کی موت

آج بھی جنوبی کینرا میں کورونا نے اپنا قہر ڈھایا جس کے نتیجے میں ایک ہی دن میں 196معاملے پوزیٹیو نکلے ہیں۔جبکہ  ایک ہی دن میں 5افرادموت کا شکار ہوگئے جس کے ساتھ ضلع میں مرنے والوں کی تعداد46ہوگئی ہے۔

اُترکنڑا میں آج پھر کورونا کے 13 معاملات؛ بھٹکل میں تین کی رپورٹ پوزیٹیو؛ ایک شخص کی موت

اُترکنڑا میں آج کورونا کے 13 معاملات سامنے آئے ہیں جس میں تین بھٹکل سے  ہیں۔ اس دوران بھٹکل میں ایک 67 سالہ شخص کی موت بھی واقع ہوئی ہے جن کے تعلق سے پتہ چلا ہے کہ اُن کی رپورٹ کورونا پوزیٹیو آئی ہے۔

اڈپی ضلع میں 90پوزیٹیو معاملات۔کورو نا سے ہوئی چوتھی موت۔ کچھ ہوٹل کیے گئے سیل ڈاؤن۔کنداپور میں دوپہر 2بجے سے لاک ڈاؤن

اڈپی ضلع میں کل سنیچر کے دن جملہ 90افراد کی کووِڈ رپورٹ پوزیٹیو آئی ہے۔اسے ضلع میں پھر سے اچانک کورونا وباء کے اچھال کے طور پر دیکھا جارہا ہے۔اس طرح ضلع میں اب تک متاثرین کی تعداد بڑھ کر 1,567ہوگئی ہے۔

کورونا اَپ ڈیٹ:جنوبی کینرا میں بگڑتی صورتحال۔ ایک ہی دن میں 186افراد نکلے پوزیٹیو۔عوام کے علاوہ پولیس اہلکار بھی ہورہے ہیں کورونا کا شکار

جنوبی کینرا میں کورونا وباء کی صورتحالانتہائی بھیانک صورت اختیار کرگئی ہے جس کا اشارہ 11جولائی کے اعداد وشمار سے مل رہا ہے جہاں ایک ہی دن میں 186افراد کی رپورٹ پوزیٹیونکلی ہے۔

بھٹکل شمس اسکول کا میٹرک میں شاندار پرفارمینس، چوتھی مرتبہ لگاتار صد فیصد نتائج

تربیت ایجوکیشن سوسائٹی کے تحت چلنے والے نیو شمس اسکول (آئی سی ایس ای) کے میٹرک امتحان میں  پھر ایک بار شمس نے شاندار تعلیمی پرفارمینس پیش کرتے ہوئے چوتھی مرتبہ لگاتار صد فیصد نتائج دینے میں کامیاب رہا ہے۔ 

گرین ویلی نیشنل اسکول شیرور کی شاندار کارکردگی کا سلسلہ ہنوز جاری،ICSE میں پھرسو فیصد نتائج

پڑوسی علاقہ شیرور کے گرین  ویلی نیشنل اسکول نے ہمیشہ کی طرح اس بار بھی شاندار تعلیمی کامیابی حاصل کرنے کا سلسلہ جاری رکھا ہے اور اس بار بھی آئی سی ایس ای(ICSE)  گریڈ X میں  پھر ایک بار صد فیصد کامیابی درج کرتے ہوئے نہ صرف پورے اُڈپی ضلع بلکہ پورے کرناٹک میں اپنے اسکول سمیت علاقہ ...