سرینگر،14/دسمبر(ایس او نیوز/ آئی این ایس انڈیا) جموں و کشمیر میں سابق وزیر اعلی اور نیشنل کانفرنس کے سربراہ فاروق عبداللہ کی حراست ہفتہ کو تین ماہ کے لئے بڑھا دی گئی ہے، وہ 5 اگست سے ہی حراست میں جس دن جموں و کشمیر سے خصوصی درجہ ہٹادیا گیا تھا۔حکام نے بتایا کہ وہ اپنے گھر میں ہی رہیں گے جسے چھوٹا جیل قرار دیا گیا ہے۔قابل ذکر ہے کہ جموں و کشمیر سے آرٹیکل 370 سے منسلک ان دفعات کو ہٹا دیا گیا ہے جس کے تحت اسے خصوصی ریاست کا درجہ ملا ہوا تھا۔اس کے ساتھ ہی اسے دو مرکز کے زیر انتظام ریاستوں - جموں و کشمیر اور لداخ میں بھی تقسیم کر دیا گیا ہے۔سپریم کورٹ میں ایم ڈی ایم لیڈر وائیکو نے عرضی دائر کرکے الزام لگایا تھا کہ فاروق کو غیر قانونی طریقے سے حراست میں لیا گیا ہے،اس کے کچھ گھنٹے پہلے فاروق کے خلاف 17 ستمبر کو پبلک سیفٹی ایکٹ (پی ایس اے) لگایا گیا تھا۔نیشنل کانفرنس کے چیئرمین کو پی ایس اے کے پبلک آرڈر فراہمی کے تحت مقدمہ دائر کیا ہے جس کے تحت کسی بھی شخص کو بغیر سماعت 3 سے 6 ماہ تک جیل میں رکھا جا سکتا ہے۔