راکیش ٹکیت کاامریکی صدرجوبائیڈن کو ٹیوٹ 11مہینے میں 700کسانوں کی موت، مانگی مدد

Source: S.O. News Service | Published on 25th September 2021, 10:53 AM | ملکی خبریں |

نئی دہلی، 25؍ستمبر(ایس او نیوز؍ایجنسی)وزیر اعظم نریندر مودی اپنے امریکی دورے پر ہیں، جہاں انہوں نے امریکی نائب صدر کملا ہیرس سے ملاقات کی- اب پی ایم مودی صدر جو بائیڈن کے ساتھ اپنی پہلی ملاقات کرنے والے ہیں، جس میں کئی امور پر بات چیت ہونی ہے- لیکن اس دوران کسان رہنما اور بی کے یو کے ترجمان راکیش ٹکیت نے امریکی صدر جو بائیڈن کیلئے ایک ٹویٹ کیا ہے، جس میں انہوں نے بائیڈن سے کہا ہے کہ وہ پی ایم مودی کے ساتھ کسانوں کی تحریک کے مسئلے پر بات کریں -کسان رہنما راکیش ٹکیت نے اپنے ٹویٹ میں پوری تحریک کے دوران کسانوں کی موت کا بھی ذکر کیا- انہوں نے ٹویٹر پر لکھا:پیارے امریکی صدر، ہم ہندوستانی کسان تین زرعی قوانین کے خلاف احتجاج کر رہے ہیں، جنہیں نریندر مودی کی سرکار لائی ہے - پچھلے11ماہ کی تحریک میں اب تک700کسانوں کی موت ہو چکی ہے- ہمیں بچانے کیلئے ان کالے قوانین کو رد کیا جانا چاہئے - جب بھی آپ پی ایم مودی سے ملیں تو براہ مہربانی ان خدشات پر بھی غور کریں -واضح رہے کہ گزشتہ 11ماہ سے کسان دارالحکومت دہلی کی سرحدوں پر مظاہرے کر رہے ہیں - ان کا مطالبہ ہے کہ انہیں ایم ایس پی کی ضمانت دی جائے اور تینوں زرعی قوانین کو منسوخ کیا جائے- اس سلسلے میں کسان رہنماؤں کی حکومت کے ساتھ مذاکرات کے کئی دور ہو چکے ہیں لیکن کوئی حل نہیں نکلا- مرکزی حکومت نے واضح کیا ہے کہ وہ قوانین کو منسوخ نہیں کریں گے جبکہ کسانوں کا کہنا ہے کہ حکومت کو ان کے مطالبات کے سامنے جھکنا ہوگا-

ایک نظر اس پر بھی

کانگریس نے پیگاسس کیس پرعدالت کے فیصلے کاخیرمقدم کیا

کانگریس نے بدھ کو سپریم کورٹ کے مبینہ پیگاسس جاسوسی کیس کی تحقیقات کے لیے تین رکنی کمیٹی قائم کرنے کے فیصلے کا خیرمقدم کرتے ہوئے کہاہے کہ’ستیہ میو جیتے۔‘‘پارٹی کے چیف ترجمان رندیپ سرجے والانے ٹویٹ کیاہے کہ بزدل فاشسٹوں کی آخری پناہ گاہ مبینہ قوم پرستی ہے۔

بی جے پی رکن اسمبلی کرشنا کلیانی بھی ترنمول کانگریس میں شامل

 بنگال بی جے پی کو دھکچے لگنے کا سلسلہ جاری ہے۔ اب رائے گنج سے بی جے پی کے ممبر اسمبلی کرشنا کلیانی جنہوں نے یکم اکتوبر کو بی جے پی چھوڑ دی تھی نے قیاس آرائیوں کے مطابق آج پارٹی کے سکریٹری جنرل پارتھو چٹرجی کی موجودگی میں ترنمول کانگریس میں شامل ہوگئے۔

ہندوتوا وادی مظاہرین کے ہاتھوں تریپورہ کی 16 مساجد میں توڑ پھوڑ، 3 مساجد نذر آتش

شمال مشرقی ریاست تریپورہ میں حالات دن بدن شدت اختیار کرتے جا رہے ہیں۔ بنگلہ دیش میں ہندوؤں کے خلاف ہوئے تشدد کی مذمت میں کئی دنوں سے ریاست بھر میں مظاہرے اور ریلیاں جاری تھیں، لیکن یہ ریلیاں شدت اختیار کر گئیں اور ریاست کے مسلمانوں کے خلاف متشدد ہوگئیں۔

وزیراعلی ملازمتیں فراہم کریں یا مستعفی ہوجائیں: وائی ایس شرمیلا

 وائی ایس آر تلنگانہ پارٹی کی سربراہ وائی ایس شرمیلا نے کہا ہے کہ ہر گھر کو ایک ملازمت یا نہیں تو بے روزگاری کا الاونس فراہم کرنے ولے وزیراعلی کے چندرشیکھرراو کے وعدہ پر یقین کرتے ہوئے عوام نے ان کو اقتدار حوالے کیا، تاہم موجودہ صورتحال یہ ہوگئی ہے کہ ریاست میں بے روزگاری میں ...

پیگاسس معاملہ پر مرکز کو سپریم کورٹ سے جھٹکا! تفتیشی کمیٹی کا قیام

پیگاسس معاملہ میں سپریم کورٹ نے مرکزی حکومت کو جھٹکا دیتے ہوئے کہا کہ پیگاسس معاملہ کی جانچ ہوگی، عدالت نے جانچ کے لئے ماہرین کی ایک کمیٹی بھی تشکیل دے دی ہے۔ عدالت عظمیٰ نے کہا کہ اس معاملہ میں مرکز کا رخ واضح نہیں اور رازداری کی خلاف ورزی کی تحقیقات ہونی چاہئے۔