باندہ (اتر پردیش)،15/جولائی (ایس اونیوز/ آئی این ایس انڈیا) ضلع کی نرینی کوتوالی علاقے میں ایک کسان نے سرکاری قرض اور بینک قرض سے پریشان ہوکر پھانسی لگا کر خود کشی کر لی۔ نرینی کوتوالی کے انچارج انسپکٹر درگوجی سنگھ نے پیر کو بتایا کہ مگورا گاؤں کے باشندے 62سالہ لا لا دھوبی کی صبح اپنے کھیت میں گئے تھے، کافی دیر تک واپس نہ آنے پر اہل خانہ نے اس کی تلاش شروع کی تو لاش کھیت میں لگے ببول کے درخت پر پھانسی کے پھندے سے لٹکی ہوئی ملی۔ دھوبی چار بیگھہ زرعی زمین کا مالک تھا۔رشتہ داروں کے حوالے سے انہوں نے بتایا کہ دھوبی پر کسان کریڈٹ کارڈ کے تحت اریاورت بینک کا 70 ہزار روپے کا سرکاری قرض اور گاؤں کے ساہوکاروں کا تقریبا دو لاکھ روپے کاقرض تھا۔پوسٹ مارٹم کے بعد لاش اہل خانہ کو سونپ کر کے واقعہ کی اطلاع ضلع حکام کو دے دی گئی ہے۔ نرینی تحصیل کی نائب انسپکٹر جنرل وندتا شریواستو نے آج بتایا کہ دھوبی کی بیوی بدیا تقریباً ایک سال سے بیمار ہے اور وہ علاج کرانے سے مجبور تھی۔ شاید اقتصادی تنگی سے پریشان ہوکر اس نے یہ قدم اٹھایا۔انہوں نے بتایا کہ قرض کے سلسلے میں بھی اطلاع ملی ہے۔لیکھ پال سے پورے معاملے کی اطلاع منگوائی گئی ہے۔