کنداپور: کووڈ سے ہلاک ہونے والے مریض کی لاش بدل گئی۔ منی پال اسپتال کی بد نظمی کے خلاف مقامی لوگوں نے کیا احتجاجی مظاہرا

Source: S.O. News Service | By I.G. Bhatkali | Published on 23rd August 2020, 7:55 PM | ساحلی خبریں |

کنداپور23/اگست (ایس او نیوز) کورونا کی بیماری، اس کی تشخیص اور اس کے علاج سے متعلق ایک طرف عوام کے اندر شکوک و شبہات اور الجھنیں پائی جاتی ہیں تو دوسری طرف کسی نہ کسی علاقے سے لاشوں کے تبدیل ہونے، جسم کے اندر سے اعضاء نکالے جانے، جانچ رپورٹ کے بدل جانے جیسی خبریں آجاتی ہیں جس سے کورونا سے متعلق لوگوں کی غلط فہمیاں اور پیچیدگیاں مزید بڑھ جاتی ہیں۔

 ایسا ہی تازہ واقعہ کنداپور میں سامنے  آیاہے جہاں منی پال کے اسپتال میں کووڈ سے ہلاک ہونے والے شخص کی لاش کے بجائے اس کے رشتے داروں کو آخری رسومات اداکرنے کے لئے کسی اور کی لاش دے دی گئی تھی، جس کا پتہ چتا پرلاش کو لٹانے سے ذرا پہلے چل گیا۔

ذرائع سے ملی اطلاع کے مطابق   منی پال اسپتال میں کنداپور کے کوٹیشور علاقے کے رہنے والے ایک کووڈ مریض کی موت واقع ہوگئی۔ جب آخری رسومات کے لئے ایمبولینس کے ذریعے اسپتال سے اس کی لاش شمشان میں لائی گئی تووہ پوری طرح ڈھکی ہوئی تھی۔ مگر چتا پر لٹانے سے ذرا پہلے گھر والوں نے آخری دیدارکرنے کے لئے چہرا کھلوایا تو  لوگ یہ دیکھ کر حیران رہ گئے کہ یہ ان کے 65 سالہ رشتے دار کی لاش نہیں، بلکہ کسی نوجوان کی لاش ہے۔ گھر والوں کے علاوہ وہاں پر موجود دیگر افرادنے  ایمبولینس ڈرائیور کو آڑے ہاتھوں لیا تو مقامی افراد نے شمشان کے پاس جمع ہوکر احتجاجی مظاہرا کیا۔

 لاش بدلنے سے پیدا ہونے والے ہنگامے کی خبر ملنے پر پولیس افسران نے موقع پر پہنچ کر لوگوں کو سمجھانے بجھانے کی کوشش کی۔اس کے بعددوپہر کے وقت اسپتال سے اصل شخص کی لاش شمشان منگوانے کے بعد اس کی آخری رسومات انجام دی گئیں اور پہلے لائی گئی لاش کو واپس منی پال اسپتال میں بھیج دیا گیا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...