منگلورو میں فرضی ووٹنگ کے دوران کانگریس کو ڈالے گئے ووٹ بی جے پی کو منتقل؛ انتخابی آفسران پر غیر ذمہ داری کا مظاہرہ کرنے کا الزام
منگلوروو،20؍اپریل (ایس او نیوز) منگلورو اسمبلی حلقہ کی حدود میں کالا پٹلا اور ومبتو کیرے پولنگ بوتھ میں فرضی ووٹنگ کے موقع پر ای وی ایم میں خرابی کا معاملہ پیش آیا۔ اس موقع پر سابق کونسلر دنیش پائی نے الزام لگایا ہے کہ ومبتو کیرے بوتھ میں پولنگ سے پہلے فرضی پولنگ کے دوران کانگریس کو ڈالے گئے 42ووٹ بی جے پی کو منتقل ہوگئے۔ مقامی سابق کونسلر عثمان کلاپو نے بتایا کہ اسی طرح کلاپو پٹلا میں بھی فرضی پولنگ کے ووٹ کانگریس سے بی جے پی کے لئے منتقل ہوئے۔ اس سلسلہ میں دریافت کرنے پر انتخابی افسروں نے غیر ذمہ داری کا مظاہرہ کیا۔ انہوں نے بتایا کہ جب کانگریس کارکنوں نے احتجاج کیا تو افزود پولیس کو طلب کر کے مظاہرین کو منتشر کردیا اور ای وی ایم کو بدل کر انتخابات کا موقع فراہم کیا۔