معروف قانون دان فیضان مصطفیٰ کا مدلل تبصرہ؛ امولیہ کی نعرے بازی ملک سے غداری کے زمرے میں نہیں آتی

Source: S.O. News Service | Published on 23rd February 2020, 1:16 PM | ریاستی خبریں | ملکی خبریں |

بنگلورو،23/فروری (ایس او نیوز) ملک کے معروف قانون دان اور آئینی امور کے ماہر فیضان مصطفیٰ نے کہا ہے کہ بنگلور و کے فریڈم پارک میں شہریت قانو ن کے خلاف احتجاج کے دوران ایک لڑ کی امولیہ کی طرف سے ’پاکستان زندہ باد‘ کا جو نعرہ لگایا گیا وہ ملک سے غداری کے زمرے میں نہیں آتا البتہ موقع محل کے اعتبار سے یہ نعرہ مناسب نہیں تھا۔ یو ٹیوب پر اپنی قانونی بیداری سیریز میں امولیہ لیونا کے خلاف ملک سے غداری کا مقدمہ درج کئے جانے پر اپنا ردعمل ظاہر کرتے ہوئے فیضان مصطفی نے کہا ہے کہ تعذیرات ہند کی دفعہ124Aجس کے تحت غداری کا مقدمہ درج کیا گیا ہے اس کے تحت بھی ایسی گنجائش موجود نہیں۔

انہوں نے کہا کہ اس دفعہ میں یہ صراحت کی گئی ہے کہ اگر کسی کے اشتعال انگیز یا ملک دشمن جملے یا بیان سے عوام میں بد امنی پھیلتی ہے اور اس کے نتیجے میں تشدد برپا ہوتا ہے تو ایسی حرکت غداری کے زمرے میں آتی ہے بصورت دیگر نہیں۔ انہوں نے کہا کہ شہریت قانو ن کے خلاف احتجاج کے دوران اس لڑ کی نے جس طرح کے نعرے لگا دئیے وہ بے موقع ضرور تھے۔ اس حرکت کی وجہ سے جلسے کے منتظمین پر بھی سکتہ طاری ہو گیا اور خود مہمان خصوصی اسدالدین اویسی نے اس لڑ کی کو روک دیا،جو فطری بات ہے کیونکہ یہ ایک ایسا جلسہ تھا جو شہریت قانو ن کے خلاف احتجاج کے لئے منظم کیا گیا تھا اور ظاہر ہے کہ یہاں حاضرین کی بہت بڑی تعداد مسلمانوں کی تھی۔ اس طرح کے جلسوں میں پاکستان کی حمایت میں نعرے بازی کرنا درست نہیں تھا لیکن اس کو غداری نہیں مانا جاسکتا۔

انہوں نے ہندوستانی کلچر کا حوالہ دیتے ہوئے کہا ہے کہ ہندو تہذیب میں یہ مانا جاتا ہے کہ ساری دنیا واسو دیو کٹمبکم ہے یعنی ساری دنیا ایک خاندان ہے۔ جہاں تک پاکستان اور بنگلہ دیش کا تعلق ہے ان کا وجود 1947اور 1971میں ایک غلط فیصلے کے نتیجے میں وجود میں آیا۔ آج بھی ہندوستان کے بہت سے لوگوں کو ایک الگ ملک مانتے ہوئے تکلیف محسوس کرتے ہیں۔ انہوں نے کہا کہ ہندوستان دنیا کا ایک طاقتور ملک ہے لیکن کیا اس ملک کے لوگ اتنے کمزور اور غیر محفوظ ہو چکے ہیں کہ ایک لڑ کی کی طرف سے کی گئی نعرے بازی کو ملک کے لئے انتہائی سنگین خطرہ تصور کرتے ہیں اور وہ کسی بھی چیز کو برادشت کرنا نہیں چاہتے۔ہمارا ملک ایسے نعروں کے مقابل کافی مضبوط ہے۔

انہوں نے کہا کہ یہ ایک خوش آئند پہلو بھی دنیا کے سامنے آیا کہ جب اس لڑکی نے پاکستان زندہ باد کے نعرے لگائے تو عوام کی طرف سے کوئی رد عمل نہیں آیا لیکن کچھ ہی لمحات کے بعد جب اس لڑ کی نے ہندوستان زندہ باد کے نعرے لگائے تو عوام میں جوش و خروش دیکھا گیا۔

انہوں نے کہا کہ جس وقت یہ لڑکی ہندوستان زندہ باد کے نعرے لگارہی تھی تو پولیس والے اسے زبردستی کھینچ کر لے جارہے تھے۔ پولیس کی یہ حرکت غیر انسانی معلوم ہوتی ہے اور اس حرکت کے ذریعے پولیس نے اس لڑکی کے اظہار آزادی کے آئینی کو پامال کیا ہے۔

انہوں نے سپریم کورٹ کے فیصلے کا حوالہ دیتے ہوئے کہا کہ خالصتان زندہ باد کے نعروں کو سپر یم کورٹ نے غداری ماننے سے انکار کیا۔ انہوں نے آئین کی دفعہ 19 کا حوالہ دے کر کہا کہ اس میں انفرادی آزادی اظہار پر جن بندشوں کا تذکرہ کیا گیا ہے اس میں تعذیرات ہند کی دفعہ 124 شامل نہیں ۔ البتہ ملک کی یکجہتی کے لئے خطرہ شامل کیا گیا ہے۔ ایسے میں امولیہ کا نعرہ جب ملک کی یکجہتی کے لئے خطرہ نہیں تو اس کے اظہار آزادی کے حق کو چھین لینے کا پولیس کو اختیار نہیں تھا۔

فیصان مصطفیٰ نے آر ایس ایس کے قد آور رہنماؤں بالا صاحب دیوراس اور دین دیال اپادھیا ئے کی طرف سے اکھنڈ بھار ت کے تناظر میں دیئے گئے بیان کا حوالہ دیا اور کہا کہ ان دونوں رہنماؤ ں نے پاکستان کے ساتھ خوشگوار تجارتی تعلقات کی وکالت کی ہے تا کہ دونوں ممالک کی معاشی حالت کو بہتر بنایا جائے اور اس کے بعد جب سیاسی فکر ایک ہوگی تو ایک وفاق قائم کیا جاسکے۔ اس تناظر میں پاکستان اور بنگلہ دیش کے تئیں اس قدر نفرت درست نہیں۔

ایک نظر اس پر بھی

کرناٹک میں عالمی وباء سے ایک ہی دن 54 ؍افراد لقمہ اجل، 24 گھنٹوں کے دوران بنگلورو میں 1148 سمیت ریاست بھر میں 2062 پوزیٹیو کیس

عالمی وباء کو رونا وائرس کا قہر ہنوز جاری ہے ریاست میں ایک ہی دن کورونا وائرس کے 2062 کیس درج ہوئے ہیں۔ اب تک کی یہ ریکارڈ تعداد ہے۔ گزشتہ 24 گھنٹوں کے دوران کووڈ۔19 کی زد میں آکر بنگلورو میں 13 سمیت ریاست بھر 54 ؍افراد لقمہ اجل بن گئے ہیں۔

اُلال کے رکن اسمبلی یوٹی قادر سے ایس ڈی پی آئی کا مطالبہ

جنوبی کینرا بنٹوال تعلقہ کے سجی پانڈو دیہات میں ہر سال بارش کے موسم میں گزشتہ 30 برسوں سے لوگوں کو ہمیشہ  پریشانی کا سامنا کرنا پڑتا ہے۔ یہ علاقہ اُلال کے رکن اسمبلی یوٹی قادر کے حلقہ میں آتا ہے اور یہاں مسلمانوں کی کثیر آباد ی ہے۔

منگلورو۔کاسرگوڈ سرحد پر مسافروں کیلئے پریشانی

ریاست میں گزشتہ ماہ اپریل سے ہی کورونا وائرس پھیلنے کے نتیجہ میں کیرالہ ۔ کرناٹک کی سرحد پر واقع کاسرگوڈ اور منگلورو کے درمیان روازنہ ملازمت اور تعلیم کے سلسلہ میں آنے جانے والے لوگوں کیلئے ہر دن نت نئی پریشانیوں کا سامنا کرناپڑرہا ہے۔

کرناٹک میں کووڈ۔19 کمیونٹی پھیلاؤ کا کوئی امکان نہیں، مرکزی ٹیم کا چیف منسٹر و عہدیداروں کے ساتھ تبادلہ خیال؛ سری راملو کی پریس کانفرنس

کرناٹک نے منگل کے روز مرکز ی ٹیم کو بتایا کہ ریاست میں کووڈ۔19 کے کمیونٹی پھیلاؤ کا کوئی امکان نہیں ہے۔ریاستی وزیر صحت و خاندانی بہبود بی سری راملو نے میڈیا سے کہا ’’ ہم نے یہ واضح کردیا ہے کہ یہاں کمیونٹی پھیلاؤ کا امکان نہیں ہے۔ ہم ، دوسرے اور تیسرے مرحلہ کے درمیان ہیں‘‘۔

کرناٹک میں کورونا کا قہر جاری؛ پھر 1498 نئے معاملات، صرف بنگلور سے ہی سامنے آئے 800 پوزیٹیو

کرناٹک میں کورونا کا قہر جاری ہے اور ریاست  میں روز بروز کورونا کے معاملات میں اضافہ دیکھا جارہا ہے، ریاست کی راجدھانی اس وقت  کورونا کا ہاٹ اسپاٹ بنا ہوا ہے جہاں ہر روز  سب سے زیادہ معاملات درج کئے جارہے ہیں۔ آج منگل کو پھر ایک بار کورونا کے سب سے زیادہ معاملات بنگلور سے ہی ...

کورونا: ہندوستان میں ’کمیونٹی اسپریڈ‘ کا خطرہ، اموات کی تعداد 20 ہزار سے زائد

  ہندوستان میں کورونا انفیکشن کے بڑھتے معاملوں کے درمیان کمیونٹی اسپریڈ یعنی طبقاتی پھیلاؤ کا  اندیشہ بڑھتا نظر آرہا ہے۔ بالخصوص کرناٹک  میں کورونا انفیکشن کے کمیونٹی اسپریڈ کا اندیشہ ظاہر کیا جارہا ہے ۔ کرناٹک کے علاوہ گوا، پنجاب و مغربی بنگال کے نئے ہاٹ اسپاٹ بننے کے ...

جموں:سرکاری بنگلوں میں وزراء اور افسران کے غیرقانونی قبضے پرہائی کورٹ نے رپورٹ طلب کی 

ریاست کے سرکاری بنگلوں میں غیر قانونی طور پر مقیم سابق وزراء اور افسرشاہوں سے یہ بنگلہ خالی کروانے کو لے کر جموں کشمیر ہائی کورٹ نے سرکار سے پوچھا ہے کہ ایسے کتنے بنگلوں پر یہ وزراء اور افسرشاہ قابض ہیں۔

سی بی ایس ای کے نصاب میں کمی کے تنازعہ پر ایچ آر ڈی کے وزیر نے کہا: سیاست کو تعلیم سے دور رکھیں، غلط فہمی نہ پھیلائیں 

سنٹرل بورڈ آف سیکنڈری ایجوکیشن نے کورونا وائرس کی وجہ سے سال 2020-21 کے لئے کلاس نویں سے لے کر12ویں تک کے نصاب سے جمہوری حقوق، وفاقیت اور سیکولرازم جیسے اہم چیپٹرہٹا دیئے گئے ہیں۔