جوہانسبرگ،12؍ستمبر(ایس او نیوز؍آئی این ایس انڈیا)اے بی ڈی ویلیئرز کے کپتانی سے ہٹنے کے بعد فاف ڈو پلیسس کو جنوبی افریقہ کے تین فارمیٹس کی کپتانی سونپی گئی ہے۔وہ اکتوبر میں بنگلہ دیش کے خلاف تین ون ڈے میچوں میں جنوبی افریقہ کی کپتانی کریں گے۔اوٹس گبسن کوکوچ بنائے جانے کے بعدجنوبی افریقہ پہلی بار بنگلہ دیش کا سامنا کرے گا۔دراصل انگلینڈ کے ناکام ترین دورے (چمپیئنز ٹرافی)کے بعدسے ڈی ویلیرز نشانے پرتھے۔آخرکار انہوں نے گزشتہ ماہ کپتانی چھوڑنے کا فیصلہ کیا تھا۔ڈوپلیسس جنہوں نے ڈی ویلیئرز کی غیر موجودگی میں ون ڈے کی کپتانی کی ہے،ان کے پاس پہلے سے ہی ٹیسٹ اور ٹی 20کی کمان ہے۔

ڈی ویلیرز نے 103ون ڈے میں جنوبی افریقہ کی کپتانی کی۔جن میں سے59جیتے، جبکہ 39میں انہیں ہارملی۔ڈو پلیسس کے بارے میں بات کریں تو انہوں نے عارضی کپتان کے طورپر 9سے8میچ میں جیت حاصل کی ہے۔ان کی کپتانی کی تعریف کی گئی ہے۔