مینگلور 19 / جنوری (ایس او نیوز) مینگلور کے قریبی علاقہ پتور میں ٹائر کی دکان میں ملازمت کرنے والا ایک شخص دکان میں موجود ٹائر مولڈنگ ڈسک دھماکہ سے پھٹنے کی وجہ سے شدید زخمی ہوگیا اور بعد میں اسپتال لے جانے کے دوران دم توڑ دیا ۔
گاندھی پارک کے پاس موجود ٹائر کی دکان میں ہوئے مولڈنگ ڈسک دھماکہ میں ہلاک ہونے والے شخص کا نام راجیش (46 سال) بتایا گیا ہے جو کہ کڈبا تعلقہ کے آلنکارو گاوں کا رہنے والا تھا ۔ موصولہ رپورٹ کے مطابق جس وقت دھماکہ ہوا تب راجیش ڈسک کے قریب کھڑا تھا ۔ دھماکہ کی وجہ سے دکان کی دیوار کو بھی نقصان پہنچا ہے ۔
دھماکہ کی اطلاع ملنے پر اپن انگڈی پولیس نے موقع پرپہنچ کر معائنہ کیا اور مہلوک کے بھائی کی شکایت پر کیس درج کیا گیا ۔