ایگزٹ پول کے اندازے انتخابی نتائج نہیں ہوسکتے: کانگریس

Source: S.O. News Service | By Shahid Mukhtesar | Published on 22nd May 2019, 11:31 AM | ملکی خبریں |

نئی دہلی،21؍مئی (ایس او نیوز؍یو این آئی) کانگریس نے کہا ہے کہ ایگزٹ پول کو ملک کے عوام اچھی طرح سمجھتے ہیں اور انہیں معلوم ہے کہ پولنگ کے بعد سروے کے اندازے انتخابی نتائج نہیں ہوتے پھر بھی ایسا ماحول پیدا کیا جارہا ہے گویا ایگزٹ پو ل ہی انتخابی نتائج ہوں۔کانگریس کے ترجمان راجیو شکلا نے آج یہاں پارٹی ہیڈکوارٹر میں نامہ نگاروں سے کہا کہ ماحول بدلنے کی کوشش کی جارہی ہے اس لئے کانگریس جنرل سکریٹری پرینکا گاندھی واڈرا کو اس سلسلے میں پیغام دینا پڑا کہ ایگزٹ پول کے اندازوں کو انتخابی نتائج کے طور پر مشتہر کرنا اپوزیشن جماعتوں کے کارکنوں کا حوصلہ پست کرنے کی سازش ہے اس لئے افواہوں پر دھیان دینے کے بجائے چوکنا اور ہوشیار رہنے کی ضرورت ہے۔پرینکا گاندھی نے کل دیر رات ایک آڈیو جاری کیا ہے جس میں انہوں نے کانگریس کارکنوں کو ایگزٹ پول سے مایوس نہیں ہونے کا مشورہ دیا ہے اور کہا کہ ایک سازش کے تحت ان کے حوصلے پست کرنے کی کوشش کی جارہی ہے اس لئے ہمت کے ساتھ زیادہ چوکنا ہوکر کام کرنے کی ضرورت ہے۔ترجمان نے کہا کہ ایسا عجیب و غریب ماحول کبھی نہیں بنا تھا۔ پورا ملک جانتا ہے کہ ایگزٹ پول انتخابی نتائج نہیں ہوتے ہیں اور یہ کچھ ایجنسیوں کے ذریعہ کرایا جاتا ہے لیکن اس مرتبہ ایگزٹ پول کے ذریعہ انتخابی نتائج آنے سے پہلے ہی جیت کا ماحول بنانے کی کوشش کی جارہی ہے اس لئے الیکشن ایجنٹوں کو چوکنا رہنے کی ضرور ت ہے۔کانگریس ترجمان نے کہا کہ ڈومریا گنج’غازی پور’سارن’جھانسی’پانی پت’ہریانہ اور پنجاب وغیرہ مقامات سے خبریں آرہی ہیں کہ رات کے اندھیرے میں الیکٹرانک ووٹنگ مشینوں کو غیر قانونی طریقے سے ادھر سے ادھر پہنچایا جارہا ہے۔ اس سے شبہ پیدا ہونا فطری ہے اور ایسے میں الیکشن کمیشن کی ذمہ داری ہے کہ وہ لوگوں کا شبہ دور کرنے کے لئے ضروری قدم اٹھائے۔ لوگوں میں یہ اعتماد قائم رہنا چاہئے کہ الیکشن غیر جانبدارانہ اور شفاف طریقے سے ہوئے ہیں۔ ملک کے انتخابی عمل پر کسی کا بھروسہ کم نہیں ہونا چاہئے۔ اس پر سب کا بھروسہ قائم رکھنا اور ان کا شک دور کرنا کمیشن کی ذمہ داری ہے۔اس درمیان الیکشن کمیشن نے ان شکایتوں کے سلسلے میں کہا کہ کچھ مقامات پر ای وی یم مشینوں میں ہیراپھیری کے الزام لگائے جارہے ہیں لیکن وہ بے بنیاد اور پوری طرح غلط ہیں۔ کمیشن نے کہا کہ ای وی ایم پوری طرح محفوظ ہیں اور اس کی سیکورٹی کا نظم زیادہ سخت کردیا گیا ہے۔

ایک نظر اس پر بھی

ذات پر مبنی مردم شماری کے لیے نتیش کمار نے پی ایم مودی کو لکھا خط

بہار کے وزیر اعلیٰ نتیش کمار نے گزشتہ دنوں کہا تھا کہ وہ ذات پر مبنی مردم شماری کے تعلق سے وزیر اعظم نریندر مودی کو خط لکھیں گے، اور اب ایسی خبریں سامنے آ رہی ہیں کہ انھوں نے نریندر مودی کو خط لکھ کر ملاقات کے لیے وقت مانگا ہے۔ ملاقات کر کے وہ وزیر اعظم کو ذات پر مبنی مردم شماری ...

جب تک ’ہم دو، ہمارے دو‘ کی حکومت ہے، نوجوانوں کو روزگار نہیں ملے گا: راہل گاندھی

یوتھ کانگریس کے ذریعہ آج منعقد پارلیمنٹ گھیراؤ پروگرام میں کانگریس کے سابق صدر راہل گاندھی نے بھی شرکت کی اور اس موقع پر انھوں نے مرکز کی مودی حکومت کو زوردار انداز میں تنقید کا نشانہ بنایا۔ پارلیمنٹ گھیراؤ پروگرام کے دوران اپنی تقریر میں راہل گاندھی نے کہا کہ ’’اس ملک ...

’پٹرول، ڈیزل اور سلنڈر، مہنگا کر کے چھپ گیا نریندر‘، یوتھ کانگریس کا مودی حکومت پر حملہ

پیگاسس، پٹرول-ڈیزل، گیس سلنڈر کی آسمان چھو رہی قیمتوں اور مہنگائی کو لے کر کانگریس لگاتار مرکزی حکومت پر حملہ آور ہے۔ اس تعلق سے جمعرات کو یوتھ کانگریس نے مرکزی حکومت کے خلاف سڑکوں پر اتر کر مظاہرہ کیا۔ یوتھ کانگریس کارکنان بڑی تعداد میں رائے سینا روڈ پر ہاتھوں میں بینر اور ...

کشمیر کی خصوصی آئینی حیثیت کی بحالی کے لیے پُرامن جدوجہد جاری: فاروق عبداللہ

 نیشنل کانفرنس کے صدر و رکن پارلیمان ڈاکٹر فاروق عبداللہ نے کہا کہ ان کی جماعت جموں و کشمیر کی خصوصی آئینی حیثیت کی بحالی کے لئے پرامن جمہوری اور قانونی جدوجہد میں مصروف ہے۔ انہوں نے یہ بات جمعرات کو یہاں پانچ اگست 2019 کی برسی کے موقع پر نیشنل کانفرنس ہیڈکوارٹرز نوائے صبح ...

پیگاسس جاسوسی: ’اگر میڈیا رپورٹوں میں صداقت ہے تو انتہائی سنگین معاملہ ہے‘ سپریم کورٹ

 سپریم کورٹ نے جمعرات کے روز پیگاسس جاسوسی معاملہ کی آزادانہ تحقیقات کرانے کی درخواست کرنے والی 9 عرضیوں پر بیک وقت سماعت کی۔ ان عرضیوں میں ایڈیٹرس گلڈ آف انڈیا اور سینئر صحافیوں این رام اور ششی کمار کی عرضیاں بھی شامل ہیں۔ عدالت عظمیٰ نے کہا کہ اگر میڈیا رپورٹوں میں صداقت ہے ...