منگلورو:14؍ جنوری (ایس اؤ نیوز)کنک پورا میں یسوع مسیح کے مجسمے کی مخالفت میں کلڈکا پربھاکر بھٹ کی طرف سے ہوئے  پروگرام اور بھاشن کی کڑی تنقید کرتے ہوئے سابق وزیر یو ٹی قادر نے کہا ہے کہ کنک پورا پہنچ کر ڈاکٹر کلڈکا پربھا کر بھٹ  نے اپنی  تنگ ظرفی کو ظاہر کیا ہے ،  بھگوان کی مورتی کی مخالفت کرنے والی ذہنیت کے متعلق کیا کہہ سکتے ہیں۔ دکشن کنڑا ضلع کے امن کو برباد کردیا ہے ، ہم لوگ جن مصیبتوں کو جھیل رہے ہیں وہی کافی ہے۔

یوٹی قادر نےکہاکہ امن کا پیغام دینے کے لئے یسوع مسیح کا مجسمہ تیارکیا جارہاہے۔ عیسائی طبقے کے تعلیمی ادارے ، اسپتال سماج کے لئے معاون ہیں، عیسائی طبقہ کسی بھی ذرائع کا غلط استعمال نہیں کرتا۔ انہوں نے نا م نہاد دیش بھگت کے متعلق کہاکہ  جو لوگ دیش بھگتی کا دعویٰ  کرتے ہیں وہ کبھی لاچاروں اور بے سہاروں کی خبر گیری نہیں کرتے کہتے ہوئے پس پردہ کلڈکا پربھاکر کی تنقید کی۔ یوٹی قادر نے کہا دراصل کلڈکا پربھا کر بھٹ کنک پورا کے بھائی چارے کو برباد کرنے کا مقصد لے کر وہاں گئے  ہوئے تھے، یہاں سے وہاں جاکر بھاشن دینےکی کیا ضرورت تھی، کم سے کم  کنک پورا ، بنگلورو والوں کو  امن وشانتی سے رہنے دینے کی اپیل کی۔