اترکنڑا ضلع دفتر سے ڈی سی کی نگرانی میں ودھان سبھا حلقوں کے لئے ای اوی ایم اور وی وی پیاٹ مشینوں کی روانگی
کاروار:29؍مارچ (ایس او نیوز) لوک سبھا انتخابات کے لئے ای وی ایم اور وی وی پیاٹ مشینیں بدھ کو ضلع ڈپٹی کمشنر دفتر سے ضلع کے 6ودھان سبھا حلقہ جات کے لئے تقسیم کئے گئے ۔
فی حلقہ جات کے لئے 1656بیالٹ یونٹ اور کنٹرول یونٹ 1727وی وی پیاٹ الیکشن افسران میں تقسیم کی گئیں۔ ضلع ڈی سی کے گودام میں سخت سکیورٹی کے درمیان رکھی گئیں ان مشینوں کو باہر نکال کرالٹ پھیر کرنےکے بعد مشینوں کو افسران کو دیا گیا۔ افسران نے اپنے اپنے ودھان سبھا حلقہ جات کے متعلقہ مشینوں کو حاصل کیا۔
مشینوں کو جی پی ایس نصب شدہ سواریوں کو استعمال کیاگیا ۔ ان سواریوں کی ہر حرکت پر ڈی سی دفتر کے کنڑول روم سے نگاہ رکھی جارہی ہے۔ اے سی درجے کے عہدیداران کی قیادت میں ان مشینوں کو متعلقہ تعلقہ جات کو پہنچایا گیا ۔ ووٹنگ کے کچھ دن پہلے ان مشینوں کو ودھان سبھا حلقہ کے بوتھوں پر روانہ کیا جائے گا۔