بھٹکل :12؍جولائی  (ایس اؤ نیوز) تعلقہ کے ماولی 1اور2گرام پنچایتوں پرمشتمل مرڈیشور میں ایک کچرانکاسی مرکز کے لئے ضروری اقدامات کئے جانے کی اترکنڑا ضلع پنچایت سی ای اؤ محمد روشن نے جانکاری دی۔

وہ یہاں مرڈیشور میں گرام پنچایت صدور اور ممبران کے ساتھ ہوئی گفتگو کی تفصیل بتاتے ہوئے کہاکہ مرڈیشور میں کچرانکاسی مرکز کی اشد ضرورت ہے، اس کی نگرانی وغیرہ کو لے کر پنچایت صدور اور ترقی جات افسران کو ایک روز کی ٹریننگ دی گئی ہے۔ گوکرن  میں کچرانکاسی مرکز کاکام جاری ہے، ماولی 1اور2گرام پنچایت کے نمائندوں میں بیداری پید اکرنے کے لئے پڑوس ضلع کے ایک ماہر کو مدعو کرکے ورکشاپ منعقد کئے جانےکی بات کہی۔ عوام میں کچے اور سوکھے کچرے کو الگ الگ کرکے دینے کے متعلق بھی بیداری پیدا کرنے کی ذمہ داری پنچایت ممبران کی ہے۔ گاؤں کی ترقی کے لئے ہر ایک تعاون کرنے کی اپیل کی۔ بھٹکل اسسٹنٹ کمشنر ساجد ملا، تعلقہ پنچایت ترقی جات افسر پربھاکر چکنمنے ، ماولی پنچایتوں کے صدور منگلا ایشورنائک، ناگرتنا موگیر وغیرہ موجود تھے۔