میسورو،3؍دسمبر (ایس او نیوز) میسورو میں نامہ نگاروں سے بات کرتے ہوئے ریاستی وزیر برائے دیہی ترقیات وپنچایت راج کے ایس ایشورپا نے سابق وزیر اعلیٰ بی ایس ا یڈی یورپا کے اس بیان کوصحیح قرار دیا،جس میں ا یڈی یورپا نے ایم ایل سی انتخابات میں جن حلقوں میں جنتا دل (ایس) نے اپنے امیدواروں کو میدان میں نہیں اتارا ہے وہاں بھارتیہ جنتا پارٹی ریاستی جنتا دل (ایس) سے حمایت کی درخواست کرے گی اور بھارتیہ جنتا پارٹی کی مدد کرنے کی گزارش کرے گی۔ کسی پارٹی سے حمایت کیلئے درخواست کرنا کوئی بری بات نہیں ہے اور کوئی خفیہ معاہدہ نہیں ہے۔ ایشورپا نے مزید بتایا کہ کانگریس کو اقتدار سے دور رکھنے کیلئے بیک ورڈ کلاس اور شیڈول کاسٹ نے اپنے آپکو بھارتیہ جنتا پارٹی کے ساتھ نشاندہی کرلی ہے اور بی جے پی کی حمایت کرنے کا فیصلہ کیا ہے۔