یورپی یونین ترکی سے مہاجرین پر نیا سمجھوتا کرنے کی خواہاں

Source: S.O. News Service | By INS India | Published on 8th March 2020, 9:12 PM | عالمی خبریں |

 انقرہ /8مارچ (آئی این ایس انڈیا)یورپی یونین نے ترکی کے ساتھ نیا سمجھوتا کرنے کی کوششیں ت کردی ہیں تاکہ شام، عراق، افغانستان اور دوسرے ملکوں کے تارکین وطن کے قافلوں کو روکا جاسکے جو پناہ کے لیے یورپ آ نا چاہتے ہیں۔شمالی مشرقی شام میں سرکاری فوج اور باغیوں میں کی لڑائی میں شدت آ نے کے بعد لاکھوں پناہ گزینوں نے ترکی کا رخ کرلیا ہے۔ ترکی نے 28 فروری کو اعلان کیا تھا کہ وہ 2016 میں ہوئے اس معاہدے کی پاسداری نہیں کرے گا جس میں اس نے یورپی یونین کی مالی اعانت کے بدلے اپنے علاقے میں پناہ گزینوں کو روکنے کا وعدہ کیا تھا۔ترکی نے الزام لگایا ہے کہ یورپی یونین نے اپنی ضمانتوں پر عمل نہیں کیا۔ اس وقت بھی 35 ہزار تارکین وطن ترکی اور یونان کی سرحد پر جمع ہیں جنھیں یونان کی افواج سختی سے روک رہی ہیں۔یورپی یونین کے وزرائے خارجہ بحرانی صورتحال پر غور کے لیے اجلاس کررہے ہیں۔ یورپی یونین کے پالیسی سربراہ جوزف بریل نے جمعہ کو زغرب میں بتایا کہ رکن ممالک ترکی کو زیادہ رقوم فراہم کرنے کی پیشکش کریں گے۔ 2016 کے معاہدے میں ترکی کو 6 ارب یورو دینے کا وعدہ کیا گیا تھا۔لیکن ترکی واضح کرچکا ہے کہ وہ کوئی سودے بازی نہیں کرنا چاہتا۔ وہ پہلے ہی تقریباً 40 لاکھ تارکین وطن کو پناہ دے چکا ہے۔بوریل نے کہا کہ ترکی پر بہت بڑا بوجھ پڑچکا ہے جس کا ہمیں مکمل ادراک ہے۔ لیکن ہم یہ بھی تسلیم نہیں کرسکتے کہ مہاجرین کو دباؤ کے ہتھکنڈے کے طور پر استعمال کیا جائے۔اب تک یورپی یونین اس بات کی نگرانی کرتی آ ئی ہے کہ مختص کی گئی رقوم کو کس طرح خرچ کیا جاتا ہے۔ لیکن زغرب میں یورپی یونین کے سفارت کاروں کے اجلاس میں بتایا گیا ہے کہ ترکی اس بات کا خواہاں ہے کہ اسے یہ رقوم براہ راست دی جائیں۔ اس مطالبے کو تسلیم کیے جانے کا امکان کم ہے۔

ایک نظر اس پر بھی

چین کی انتقامی کارروائی،امریکی شہریوں پر ویزا سے متعلق پابندی عائد کرے گا چین

چین نے ہانگ کانگ سے وابستہ امور پر کھل کر اپنے خیالات کااظہار کرنے والے امریکی شہریوں پر ویزا سے متعلق پابندی عائد کرنے کا اعلان کیا ہے،چین کے اس اقدام کو امریکہ کے خلاف انتقامی کارروائی کے طور پر دیکھا جا رہا ہے۔

کورونا: عراق میں ریکارڈ معاملے آئے سامنے، 24 گھنٹے میں 2741 کیسز درج

عراق میں کورونا وائرس کے ایک دن میں2741 نئے کیسز درج ہوئے ہیں۔ عراق کے ایک افسر نے اس تعلق سے اطلاع فراہم کی ۔ پارلیمانی ہیلتھ کمیٹی کے رکن حسن خلاطی نے بیان جاری کر کے کہا ’’اس وبا کے خلاف جنگ ایک طویل عرصے تک جاری رہے گی۔ اس دوران عراق کو اس سے لڑنے کے لئے تمام ضروری اقدامات کرنا ...

خطرے میں اسپین، 95 فیصد آبادی ہو سکتی ہے کورونا کا شکار: تحقیق

کورونا وائرس یعنی کووڈ-19 کے حوالہ سے اسپین میں کی گئی اسٹڈی میں یہ بات سامنے آئی ہے کہ اسپین کی آبادی کا صرف 5فیصد ہی اینٹی باڈیز تیار کرسکا ہے، جس سے یہ بات ثابت ہوتی ہے کہ کورونا سے بچاؤ کے لیے ’ہرڈ امیونٹی‘ حاصل نہیں کی جاسکتی۔