استنبول،13اکتوبر(ایس او نیوز/ایجنسی)  ترکی کے صدر رجب طیب ایردوان نے کہا ہے کہ جب تک علیحدگی پسند دہشت گرد تنظیم PKK/YPG کا خطرہ مکمل طور پر ختم نہیں ہو جاتا آپریشن جاری رہے گا۔

صدر ایردوان نے برطانیہ کے وزیر اعظم بورس جانسن کے ساتھ ٹیلی فون پر ملاقات کی۔

ملاقات میں انہوں نے بورس جانسن کو، 9 اکتوبر کو شام  میں دریائے فرات کے مشرق میں شروع کئے گئے، چشمہ امن آپریشن  کے مقاصد سے آگاہ کیا۔

صدر ایردوان نے کہا ہے کہ شام کے شمال  سے دہشت گرد تنظیموں  PKK/YPGاور داعش  کا خطرہ مکمل طور پر ختم ہونے تک آپریشن جاری رہے گا۔ اس طرح   شامی مہاجرین کی رضا کارانہ  اور محفوظ  شکل میں اپنے گھروں کو واپسی ممکن ہو سکے گی۔

برطانیہ کے وزیر اعظم بورس جانسن نے بھی اپنے خیالات کا اظہار کرتے ہوئے کہا ہے کہ ترکی برطانیہ اور نیٹو اتحاد کا ایک اہم اتحادی ہے۔

انہوں نے دہشت گرد تنظیم داعش کے خلاف  جدوجہد میں ترکی کے جرات مندانہ کردار اور شامی مہاجرین  کے معاملے میں سخاوت کا بھی ذکر کیا ہے۔