گوگل، امازون اور ایپل کے ملازمین کرونا وائرس کی زدمیں آ گئے

Source: S.O. News Service | By INS India | Published on 11th March 2020, 8:04 PM | عالمی خبریں |

دبئی /11مارچ (آئی این ایس انڈیا)چین سے پھیلنے والے کرونا وائرس نے دنیا کی ٹیکنالوجی کی بڑی کمپنیوں گوگل، امازون اور ایپل کے ملازمین بھی اس مہلک وباء  کا شکار ہوگئے ہیں۔ رپورٹ کے مطابق ایپل نے تصدیق کی ہے کہ آئرش شہر کارک میں واقع اس کے صدر دفتر کا ایک ملازم کرونا وائرس کا شکار ہوا ہے۔ آئرلینڈ میں اب تک کرونا وائرس کے 24 واقعات رپورٹ ہوئے ہیں۔ آئرلینڈ میں کرونا وائرس کے خطرے کے پیش نظر سب سے قدیم یونیورسٹی کے’ٹرینٹی کالج‘ کے تمام لیکچر آن لائن کردیئے گئے ہیں۔اگرچہ یورپی ممالک میں اٹلی اور فرانس میں کرونا وائرس تیزی کے ساتھ پھیلا ہے تاہم آئرلینڈ میں یہ وائرس زیادہ نہیں پھیلا ہے لیکن حکومت نیاس کے اثرات کو کم سے کم رکھنے کے لیے اگلے ہفتے پورے ملک میں ہونے والی سینٹ پیٹرک ڈے کی تمام پریڈز منسوخ کردی ہیں۔ اس کے علاوہ آئرش حکومت نے کرونا سے نمٹنے کے لئے تین ارب یورو کی رقم مختص کی ہے۔ایپل جو آئر لینڈ کے سب سے بڑے کاروباری اداروں میں سے ایک ہے نے بتایا کہ وائرس سے متاثرہ ملازمین کو اب قرنطینہ کر دیا گیا ہے۔ محکمہ صحت کے حکام ان کی کڑی نگرانی کررہے ہیں۔ دوسرے لوگوں کو ان سے ملنے سے روک دیا گیا ہے۔ایپل آئرلینڈ کے دوسرے بڑے شہر کارک میں چھ ہزار کارکنوں کو ملازمت فراہم کرتا ہے۔ کمپنی نے ایک بیان میں کہا ہے اس نے کچھ ورکروں کو احتیاطاً اپنے گھروں میں ہی رہنے کوکہا ہے تاکہ کمپنی کے تمام دفاتر اور اسٹوروں کو جراثیم سے پاک کیا جاسکے۔ڈبلن میں واقع ٹرینٹی کالج نے کہا ایک بیان میں کہا ہے کہ لیکچرز کی پریزنٹیشن 31 مئی تک اسکول کیانٹرنیٹ کے ذریعہ جاری رہے گی۔ 

 
 

ایک نظر اس پر بھی