بنگلورو، 26؍ ستمبر (ایس او نیوز؍ایجنسی) 108 ایمولینس سرویس ہیلپ لائن نقائص کے سبب خراب ہونے سے اتوار کے دن عوام کو بے حد پریشانی ہوئی۔ لوگوں کو مہنگے پرائیوٹ ایمبولینس کا استعمال کرنا پڑا۔ وزیر اعلیٰ بسواراج بومئی نے اتوار کو کہا کہ وہ اس بارے میں جلد معلومات حاصل کرینگے اور وزیر صحت اور خاندانی بہبود کو معاملہ  حل  کرنے کی ہدایت دینگے ۔ واضح رہے کہ تکنیکی  نقائص کے سبب دو دنوں سے ریاست میں 108 ایمولینس سرویس کا سلسلہ بند رہا ہے۔ اس  ہیلپ لائن کو روزانہ 9  سے  10 ہزار  کالس آتے ہیں لیکن    تکنیکی  نقائص کے سبب اب صرف دو ہزار تا تین ہزار کال  آرہے ہیں۔ 108 ایمرجنسی ہیلپ لائن کے سربراہ ہنومنت جی آر نے کہا کہ دو دونوں سے تکنیکی نقائص سے مدر بورڈ میں خرابی تھی۔ ہفتہ اور اتوار ہونے کی وجہ سے درست کرنے والے نہیں مل سکے۔ جب کال کرتے ہیں تو کال مس ہوجاتا ہے۔ ضلع انتظامیہ نے  لوگوں کو ہنگامی صورتحال میں کال کرنے کے متبادل نمبر دئے ہیں ۔ کئی جگہ میں ایمیولینس ڈرائیور نے اپنے ذاتی نمبرات بھی دئے ہیں۔ 

دوسری طرف وزیر صحت ڈاکٹر سدھاکر نے کہا کہ  108 ایمبولینس سرویس ہیلپ لائن میں چند خرابیاں پیدا ہوئی تھیں جنہیں دور کرنے کیلئے کارروائی کی جارہی ہے۔ ریاست کے عوام کو تشویش میں مبتلا ہونے کی کوئی ضرورت نہیں۔ آئی ٹی ہارڈ ویئر میں خرابی پیدا ہوئی ہے۔ جسے درست کرنے کا ٹھیکہ (DVK-EMRI)  ادارہ کو دیا گیا ہے۔ اس مسئلہ کو جلد حل  کیا جائے گا۔ 108 ہیلپ لائن خود کار طور پر کال قبول کر کے 2 منٹ میں ایمبولینس سرویس سے جوڑتا تھا۔ خرابی کے سبب ایمبولینس سرویس بک ہونے کیلئے 5 تا 6 منٹ لگ رہے ہیں۔ انہوں نے کہا کہ اسپتالوں میں مینٹرفیسی لیٹی کو پہلی ترجیح دینے کی ہدایت دی گئی ہے۔ اپنی ذاتی موبائل پر بھی کال ملنے پر ایمبولینس  سرویس فراہم کرنے کی اسپتالوں اور ڈرائیوروں کو ہدایات دی گئی ہے۔ اس کے ساتھ 104 ہیلپ لائن بھی استعمال کی جائے گی ۔ ہیلپ لائن کی نگرانی کرنے والے عملہ کی تعداد بڑھائی جائے گی۔