ووٹر فہرست سے رائے دہندوں کے ناموں کے غائب ہونے کا معاملہ کئی شکایت کے بعدالیکشن کمیشن چوکنا ،جانچ کرنے کا فیصلہ

Source: S.O. News Service | By Shahid Mukhtesar | Published on 22nd April 2019, 11:10 AM | ریاستی خبریں | ان خبروں کو پڑھنا مت بھولئے |

بنگلورو،22؍اپریل (ایس او نیوز ) بنگلور شہری ضلع کی حدودمیں آنے والے پارلیمانی حلقوں میں کئی افراد نے ووٹر فہرست سے اپنے نام غائب رہنے کی شکایتیں کی ہیں۔ریاستی انتخابی کمیشن نے اس معاملہ کوسنجیدگی سے لے کراس کی مکمل جانچ کروانے کا فیصلہ کیا ہے ۔شہری ضلع کے تینوں لوک سبھا حلقوں میں ہزاروں افراد کے نام کے ووٹر فہرست سے ڈیلیٹ ہوجانے سے متعلق انتخابی کمیشن کوکئی شکایتیں موصول ہوئی تھیں۔ان شکایتوں کو نظر انداز کرنے کی بجائے ریاستی انتخابی افسر سنجیو کمار نے اس کو سنجیدگی سے لے کراس معاملہ کی جانچ کروانے کافیصلہ کیا ہے ۔رواں سال ماہ مارچ ووٹر فہرست میں ناموں کی جانچ کرنے کیلئے انتخابی کمیشن نے عوام کو مہلت دی رکھی تھی ۔ نئے ناموں کے اندراج ، پتہ کی تبدیلی سمیت دیگر تبدیلیوں اور خامیوں کو دور کرنے کا موقع دیا گیا تھا ۔ اس کے باوجود ووٹر فہرست سے ناموں کا غائب رہنا تعجب کی بات ہے ۔ کئی ووٹروں کاکہنا ہے کہ ان کے نام ووٹر فہرست میں شامل تھے ۔ لیکن آخری وقت ناموں کو ڈلیٹ کیا گیا ہے۔ ریاستی انتخابی کمیشن کے جوائنٹ کمشنر امیش نے بتایا کہ کمیشن نے ان شکایتوں کو سنجیدگی سے لے کر اس کی مکمل جانچ کا فیصلہ کیا ہے ۔انہوں نے شہریوں سے گزارش کی کہ جن افراد کے نام ووٹر فہرست سے غائب ہیں وہ فوری ریاستی انتخابی کمیشن دفتر یا اپنے اپنے حلقوں کے انتخابی دفاتر پہنچ کر اپنی شکایتیں درج کروا سکتے ہیں۔ قبل ازیں بی جے پی کے قائد آر اشوک نے الزام عائد کرتے ہوئے کہا تھا کہ ووٹر فہرست سے بڑی تعداد میں ووٹروں کے ناموں کا غائب ہونا ایک منصوبہ بند سازش ہے ۔ انہوں نے راست طور پر بی بی ایم پی افسروں پر الزام عائد کیا تھا کہ بی بی ایم پی افسروں نے جان بوجھ کر ووٹر فہرست سے ناموں کو حذف کیا ہے ۔ یہ بھی کہا تھا کہ بی بی ایم پی یا نظر نہ آنے والی طاقت اس سازش میں ملوث ہے۔

ایک نظر اس پر بھی

آئی ایم اے کیس کی ایس آئی ٹی جانچ تقریباً مکمل، 9ستمبر کو چارج شیٹ ممکن

کروڑوں روپے کے آئی ایم اے فراڈ کیس کی جانچ میں لگی ریاستی پولیس کی خصوصی تحقیقاتی ٹیم(ایس آئی ٹی) اس معاملے میں 9ستمبر کو چارج شیٹ دائر کرنے کی تیاری میں لگی ہے تو دوسری طرف اس کیس کی جانچ ابھی ابھی اپنے ماتحت لینے والی مرکزی تحقیقاتی ایجنسی سی بی آئی کی طرف سے اس کیس میں ایک سابق ...

ایڈی یورپا کو پارٹی ہائی کمان کی تنبیہ۔ وزارتی قلمدان تقسیم کرو یا پھر اسمبلی تحلیل کرو

عتبر ذرائع سے ملنے والی خبر کے مطابق بی جے پی ہائی کمان نے وزیراعلیٰ کرناٹکا ایڈی یورپا کو تنبیہ کرتے ہوئے کہا ہے کہ وزارتی قملدانوں سے متعلق الجھن اور وزارت سے محروم اراکین اسمبلی کے خلفشار کو جلد سے جلد دور کرلیں ورنہ پھر اسمبلی کو تحلیل کرتے ہوئے از سرِ نو انتخابات کا سامنا ...

اے پی سی آر نے داخل کی انسداددہشت گردی قانون میں ترمیم کے خلاف سپریم کورٹ میں اپیل

مرکزی حکومت نے انسداد دہشت گردی قانون یو اے پی اے میں جو حالیہ ترمیم کی ہے اور کسی بھی فرد کو محض شبہات کی بنیاد پر دہشت گرد قرار دینے کے لئے تحقیقاتی ایجنسیوں کو جو کھلی چھوٹ دی ہے اسے چیلنج کرتے ہوئے ایسوسی ایشن فار  پروٹیکشن آف سوِل رائٹس (اے پی سی آر) نے سپریم کورٹ میں اپیل ...

ملپے میں پاکستانی دہشت گرد موجود ہونے کی خبر۔سوشیل میڈیا پرہوئی وائرل۔ کوسٹ گارڈ پولیس نے کی وضاحت

سوشیل میڈیا اور کچھ الیکٹرانک میڈیا پر آج یہ خبر وائرل ہوئی ہے کہ بندرگاہی شہر ملپے میں ایک پاکستانی دہشت گرد موجود ہے جو تملناڈو سے فرار ہوکر یہاں کسی مقام پر چھپ گیا ہے۔

منگلورو میں جعلی دستاویزات کے ذریعے بینکوں اورگاڑیوں کے مالکان کو دھوکہ دینے والی4رکنی ٹولی گرفتار

منگلورو سٹی نارتھ کے اسپیشل کرائم ویجیلنس اسکواڈ اور اکنامک اینڈ نارکوٹک کرائم سے وابستہ پولیس افسران نے جعلی دستاویزات کے ذریعے بینکوں اور موٹر گاڑیوں کے مالکان کو لوٹنے والی چار رکنی ٹولی کو گرفتا ر کرلیا ہے۔

منگلورو میں کولشیکر کے قریب ریلوے پٹری پر زمین کھسک گئی؛ مینگلور سے گوا اورممبئی جانے والی ٹرین سروس متاثر؛ کئی ٹرینیں رد

تعلقہ کے کُولشیکر کے قریب پہاڑی  زمین کھسکنے  سے ریلوے ٹریک پر بہت ہی زیادہ مٹی اور کیچڑ کا ڈھیر لگ گیا  جس  کے نتیجے میں منگلورو اور اس روٹ پر آگے کی طرف جانے اور منگلورو کی طرف سے گوا اور ممبئی کی طرف چلنے والی ٹرین سروس متاثر ہوگئی۔  واردات جمعہ کو پیش آئی ہے۔