لوک سبھا انتخابات؛ بھٹکل میں سبھی پولنگ بوتھوں کے اطراف امتناعی احکامات نافذ؛ ہوٹلوں پر ہوگی نگاہ، انتخابی پرچار پر پابندی

Source: S.O. News Service | By I.G. Bhatkali | Published on 22nd April 2019, 12:29 AM | ساحلی خبریں | ان خبروں کو پڑھنا مت بھولئے |

بھٹکل 21/اپریل (ایس او نیوز) اپریل 23 کو ہونے والے لوک سبھا انتخابات کے پیش نظر  بھٹکل ودھان سبھا حلقہ کے 248 پولنگ بوتھوں کے اطراف  پروٹوکول کے تحت انتخابات شروع ہونے کے 48 گھنٹے پہلے سے ہی امتناعی احکامات نافذ کردئے  گئے ہیں۔ جس کے تحت پولنگ بوتھ کے اطراف چار سے زائد لوگوں کے جمع ہونے پر پابندی رہے گی اس بات کی اطلاع بھٹکل اسسٹنٹ کمشنر اور اسسٹنٹ الیکشن آفسر مسٹر ساجد مُلّا نے دی۔

تحصیلدار دفتر میں اتوار صبح بلائی گئی پریس کانفرنس میں اخبارنویسوں سے گفتگو کرتے ہوئے  ساجد مُلّا نے بتایا کہ  امتناعی احکامات آج اتوار شام چھ بجے سے جاری کردئے گئے ہیں جو انتخابات کے اختتام تک  یعنی 23 اپریل شام چھ بجے تک جاری رہیں گے۔

ساجد مُلا نے بتایا کہ  انتخابات کے پیش نظر امتناعی احکامات کے ساتھ ساتھ اب کسی بھی اُمیدوار کےحق میں پرچار کرنے، مائک کا استعمال کرنے، لوڈ اسپیکرس، ایمپلی فائر  وغیرہ کے استعمال پربھی پابندی عائد کردی گئی ہے۔ اسی طرح بھٹکل حلقہ کے سبھی ہوٹلوں، شادی ہال ، میٹنگ ہال وغیرہ  پر بھی کڑی نگاہ رکھی جارہی ہے کہ کہاں پر کیا ہورہا ہے اور کون  اُن جگہوں پر  جارہا ہے۔

انہوں نے کہا کہ شراب  کی خرید و فروخت پر پابندی عائد ہے، اُس پر سختی کے ساتھ عمل ہونا چاہئے۔ انتخابات مکمل ہونے کے  آدھے گھنٹے بعد تک  انتخابی  ایکزٹ پول پر بھی پابندی عائد رہے گی۔

ساجد مُلا نے بتایا کہ اس الیکشن میں بھٹکل اسمبلی حلقہ میں جملہ 109741 مرد اور 105699 خواتین ووٹرس ہیں اس طرح   2,15,440 ووٹروں پر مشتمل ووٹرلسٹ جاری کی گئی ہے۔ مزید بتایا کہ بھٹکل میں 71 حساس پولنگ بوتھ ہیں تو  23 پولنگ بوتھوں کو شدید حساس  قرار دیا گیا ہے۔ انتخابی کاروائیوں کو  نبھانے کے لئے  1096 اہلکاروں کو ذمہ داریاں سونپی گئی ہیں، 24 بس ، 24 جیپ اور 41 منی بسوں کو انتخابی  کاموں کی انجام دہی کے لئے لگایا گیا ہے۔40 پولنگ مراکز میں وی وی پیٹ کا استعمال ہوگا، 20 زائد وی وی پیٹ رکھے جائیں گے۔ دو تحصیلدار کی گاڑیوں سمیت 33 گاڑیوں میں جی پی ایس کی سہولت ہوگی۔ 53 پولنگ بوتھوں پر  مائیکرو آبزرور اور  پانچ پولنگ بوتھوں پر وڈیو گرافر متعین ہوں گے۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

وائی ایس آر کانگریس کے سربراہ کی وزیراعظم مودی سے ملاقات، آندھرا کو خصوصی درجہ دینے پر زور

 وائی ایس آر کانگریس کے سربراہ جگن موہن ریڈی نے وزیر اعظم نریندر مودی سے اتوار کو دہلی میں ان کی رہائش گاہ پر ملاقات کی۔اس کے بعد انہوں نے بغیر کسی طے پروگرام کے بی جے پی کے قومی صدر امت شاہ سے ملاقات کی۔

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...