الیکشن کمیشن کو تحلیل کرکے ممبروں کی تفتیش کی جائے ، کووڈ پروٹوکول کی خلاف ورزی کرانے پرجوابدہ بنایاجائے:آنندشرما

Source: S.O. News Service | Published on 4th May 2021, 11:23 AM | ملکی خبریں |

نئی دہلی،4؍مئی(ایس او نیوز؍ایجنسی)کانگریس کے سینئر رہنما آنند شرما نے پیرکے روزکہاہے کہ موجودہ الیکشن کمیشن کو تحلیل کیا جانا چاہیے اور اس کے ممبروں کے اقدامات کی چھان بین کی جانی چاہیے کیونکہ اس نے مبینہ طور پر رائے دہندوں کے اعتماد کو دھوکہ دیاہے۔

انہوں نے یہ بھی مطالبہ کیاہے کہ سپریم کورٹ کی آئینی بنچ چیف الیکشن کمشنر اور الیکشن کمشنرز کی تقرریوں کیلئے اہلیت کافیصلہ کرے۔سابق مرکزی وزیر نے یہ تبصرہ اس وقت کیا جب ایک روز قبل ہی چار ریاستوں اور ایک مرکزی علاقہ کے اسمبلی انتخابات کے نتائج سامنے آئے ہیں۔ممتابنرجی کی جیت کی اطلاع کے بعدپھرشکست کی اطلاع آنے لگی جس سے الیکشن کمیشن پرکئی طرح کے سوال کھڑے ہورہے ہیں۔اس کے علاوہ کووڈوباکے دورمیں آٹھ مرحلوں میں الیکشن کرانے پربھی وہ نشانے پرہے جب کہ تمل ناڈومیں ایک ہی مرحلہ میں الیکشن کرایاگیاہے۔شرما نے ایک بیان میں کہاہے کہ موجودہ الیکشن کمیشن کو تحلیل کیاجاناچاہیے اور اس کے ممبروں کے اقدامات کی چھان بین کی جانی چاہیے۔ الیکشن کمیشن نے خود کو داغدار کیا ہے اورووٹرزکے اعتماد کو دھوکہ دیاہے۔

انہوں نے کہاہے کہ سپریم کورٹ کا آئینی بنچ چیف الیکشن کمشنر اور الیکشن کمشنرز کی تقرری کیلئے نمبر اور اہلیت کے بارے میں فیصلہ کرنے اور کمیشن کو منصفانہ اور آزادانہ انداز میں کام کرنے کیلئے رہنمااصول طے کرنے کا فیصلہ کرے۔کانگریس کے سینئر رہنمانے الزام لگایا کہ الیکشن کمیشن نے آرٹیکل 324 کے تحت دیئے گئے اختیارکی خلاف ورزی کی ہے۔

ایک نظر اس پر بھی

دہلی پولیس کا شری نیواس بی وی سے پوچھ گچھ کرنا سیاسی انتقام کے سوا کچھ نہیں ہے۔ ایس ڈی پی آئی

سوشیل ڈیموکریٹک پارٹی آف انڈیا (ایس ڈی پی آئی) کے قومی جنرل سکریٹری کے ایچ عبدالمجید نے اپنے جاری کردہ اخباری بیان میں دہلی میں کوویڈ وبائی مرض سے متعلق امدادی سرگرمیوں میں حصہ لینے والے انڈین یوتھ کانگریس کے صدر شری نیواس بی وی سے دہلی پولیس کی جانب سے پوچھ گچھ کا سخت نوٹس  ...

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔