نئی دہلی،18؍اپریل (ایس او نیوز؍آئی این ایس انڈیا) مدھیہ پردیش کے چیف الیکشن آفیسر نے کانگریس کے ’چوکیدار چور ہے‘ کی تشہیر کو منسوخ کرتے ہوئے اس کی تشہیر پر روک کے احکامات جاری کئے ہیں۔متحدہ چیف الیکشن کمشنرراجیش کول کی طرف سے ریاست کے تمام ریاستی افسران سے بدھ کو ایک حکم جاری کر کے کہا گیا ہے کہ، لوک سبھا انتخابات کے لئے انڈین نیشنل کانگریس کی طرف سے تشہیر کئے جا رہے ا’چوکیدار چور ہے‘ کو ریاست میڈیا سرٹیفیکیشن کمیٹی کی طرف سے خارج کیا گیا ہے۔لہذا اس کی تشہیر پر پابندی لگا دی جائے۔پہلے بھی سپریم کورٹ نے ’چوکیدار چور ہے‘کی تشہیر پر راہل گاندھی سے جواب طلب کیا تھا۔واضح رہے کہ بھارتیہ جنتا پارٹی کی رہنما میناکشی لیکھی کی جانب سے کانگریس کے ’چوکیدار چور ہے‘ کی تشہیر کو لے کر اعتراض ظاہر کرتے ہوئے چیف الیکشن آفیسر کے دفتر میں اپیل کی گئی تھی۔اس شکایت میں کہا گیا تھا کہ یہ اشتہار آمیز، بدنام کرنے والا اور قابل اعتراض ہے یہ الیکشن کمیشن کی قائم ماہرین کی میڈیا سرٹیفیکیشن اور انویکش کمیٹی سے بغیر کسی اجازت کے تشہیر کیا جارہا ہے۔