ایکناتھ شندے نے مہاراشٹر کے وزیر اعلیٰ کا لیا حلف، فڈنویس بنے نائب وزیر اعلیٰ

Source: S.O. News Service | Published on 30th June 2022, 11:14 PM | ملکی خبریں |

ممبئی، 30؍جون (ایس او نیوز؍ایجنسی) شیوسینا باغی گروپ کے قائد ایکناتھ شندے نے مہاراشٹر کے وزیر اعلیٰ عہدہ کا حلف لے لیا ہے۔ اس کے ساتھ ہی گزشتہ کچھ دنوں سے ریاست میں چل رہی سیاسی اتھل پتھل کا کچھ حد تک خاتمہ ہو گیا ہے۔ لیکن حیرانی کی بات یہ ہے کہ بی جے پی لیڈر اور مہاراشٹر کے سابق وزیر اعلیٰ دیویندر فڈنویس، جن کے وزیر اعلیٰ بننے کی قیاس آرائی ہو رہی تھی، انھوں نے نائب وزیر اعلیٰ عہدہ کا حلف لیا ہے۔ ایکناتھ شندے اور دیویندر فڈنویس دونوں کو مہاراشٹر کے گورنر بھگت سنگھ کوشیاری نے عہدہ اور رازداری کا حلف دلایا۔ اب کابینہ کی توسیع کا عمل انجام پائے گا اور آنے والے دنوں میں شیوسینا و بی جے پی لیڈران کی بطور وزیر حلف برداری ہوگی۔

اس سے قبل دیویندر فڈنویس اور ایکناتھ شندے نے گورنر کوشیاری سے ملاقات کی جس کے بعد فڈنویس نے ایک پریس کانفرنس سے خطاب کرتے ہوئے اعلان کیا کہ وہ وزیر اعلیٰ نہیں بنیں گے بلکہ ایکناتھ شندے وزیر اعلیٰ عہدہ کا حلف لیں گے۔ ساتھ ہی انھوں نے یہ بھی اعلان کیا تھا کہ ایکناتھ کابینہ میں وہ شامل نہیں ہوں گے۔ پھر بی جے پی کے قومی صدر جے پی نڈّا کا ایک بیان سامنے آیا جس میں انھوں نے کہا کہ ’’دیویندر فڈنویس کو نائب وزیر اعلیٰ بننا چاہیے۔ ان کی طرف سے بڑا دل دکھایا گیا ہے، لیکن انھیں اس حکومت میں شامل ہونا چاہیے۔‘‘ نڈّا کی اس اپیل کو دیویندر فڈنویس مان لیا، اور مہاراشٹر کا نائب وزیر اعلیٰ بننے پر رضامندی کی مہر لگا دی۔

واضح رہے کہ بدھ کے روز ادھو ٹھاکرے نے مہاراشٹر کے وزیر اعلیٰ عہدہ سے استعفیٰ دے دیا تھا۔ اس کے بعد آج بی جے پی لیڈر دیویندر فڈنویس اور ایکناتھ شندے نے راج بھون جا کر گورنر کے سامنے حکومت بنانے کا دعویٰ پیش کیا۔ گورنر سے ملاقات کے بعد فڈنویس اور ایکناتھ نے مشترکہ پریس کانفرنس کیا تھا۔ جب فڈنویس نے اعلان کیا کہ ایکناتھ شندے وزیر اعلیٰ عہدہ کا حلف لیں گے، تو وہاں موجود سبھی حیران رہ گئے۔ بعد ازاں ایکناتھ شندے نے کہا کہ ’’سابق وزیر اعلیٰ فڈنویس نے بڑا دل دکھایا ہے۔ ان کے جیسا انسان ملنا مشکل ہے۔ جس کے پاس 120 اراکین اسمبلی ہیں، کوئی بھی ایسا نہیں کرتا۔ پنچایت یا میونسپل کارپوریشن چیف کا عہدہ بھی کوئی نہیں دینا چاہتا، یہ تو وزیر اعلیٰ کا عہدہ ہے۔‘‘

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...