دہرادون،20/اکتوبر(ایس او نیوز/آئی این ایس انڈیا) اتراکھنڈ کے رودرپریاگ ضلع کے چنڈکادھار میں پہاڑی سے ملبہ گرنے سے آٹھ افراد کی موت ہو گئی۔پولیس کے مطابق حادثہ کل دیر رات ہوا جب پہاڑی سے گرے ملبے کے ساتھ ایک بھاری چٹان ایک گاڑی اور دو موٹر سائیکل پر آ گرا۔حادثہ اتنا زبردست تھا کہ ملبے کے ساتھ ہی گاڑی قریب 500 میٹر گہری کھائی میں جا گری۔اس حادثے میں پانچ افراد کی موقع پر ہی موت ہو گئی جبکہ تین دیگر نے اسپتال میں دم توڑ دیا۔رودرپریاگ کے علاقائی افسرگنیش کولی نے بتایا کہ اب تک چل رہے ریسکیو اور ریلیف مہم میں چار لاشوں کو ملبے سے نکالا گیا ہے جبکہ پانچویں لاش کو نکالنے کی کوشش جاری ہے۔ انہوں نے بتایا کہ چٹان سخت ہونے کی وجہ سے بچاؤ اور امدادی کام میں پریشانی آ رہی ہے اور اس کے لئے بڑی مشینوں کا استعمال کیا جا رہا ہے۔حادثے کے وقت گاڑی سون پریاگ سے رودرپریاگ کی جانب آ ری تھی۔حادثے کے متاثرہ لوگوں کی شناخت ہوچکی ہے جن میں سے ایک رودرپریاگ جبکہ دو رشی کیش کے باشندے تھے۔گورنر بے بی رانی موریہ اور وزیر اعلی ترویدر سنگھ راوت نے اس حادثے پر افسوس کا اظہار کیا ہے۔