حراساں کرنے کے مقصد سے بی جے پی نے سمن جاری کیا: ڈی کے شیوکمار
میسورو،17؍ستمبر (ایس او نیوز) کے پی سی سی صدر ڈی کے شیوکمار نے الزام لگایا کہ بی جے پی انہیں اور کانگریس پارٹی کو خوفزدہ کرنے کی کوشش کررہی ہے۔ انہیں حراساں کرنے ای ڈی کے ذریعہ سمن جاری کیا گیا ہے۔
ریاستی حکومت ان کے دور میں جاری اسکیموں کے تعلق سے دستاویزات پیش کرنے محکمہ توانائی کے افسروں پر دباؤ ڈال رہی ہے۔ حکام نے تمام دستاویزات پیش کرنے کی ہدایت دی ہے اور اگر قصوروار پائے گئے تو پھانسی دی جائے۔
بی جے پی کو تحقیق کرنے کیلئے تین سال کا عرصہ لگا اگر دستاویزات چھپائی گئی ہیں تو بی جے پی انہیں منظر عام پر لائے۔ حکومت انسداد تبدیلی مذہب قانونی اقلیتی طبقات میں خوف پیدا کرنے کیلئے جاری کررہی ہے، یہ مذہب کے نام پر مختلف طبقات کو بانٹنے کی سازش ہے۔
راہل گاندھی 2 اکتوبر کو بھارت جوڑو یاترا کے سلسلہ میں بدناوالو کھادی گرام ادلوک کیندرا،ننجنگڈھ کا دورہ کرنے والے ہیں، اس سلسلہ میں ڈی کے شیوکمار نے شہر کا دورہ کیا۔
اس موقع پر کے پی سی سی کے کارگزار صدر دھروانا نارائن، ضلع کانگریس کمیٹی صدر وجئے کمار، کلالے کیشوا مورتی حاضر رہے۔