شیوسینا لیڈر بھاؤنا گاؤلی کے اداروں پرچھاپے

Source: S.O. News Service | Published on 31st August 2021, 11:37 AM | ملکی خبریں | ان خبروں کو پڑھنا مت بھولئے |

ممبئی، 31؍اگست (ایس او نیوز؍ایجنسی) نارائن رانے کی گرفتاری کے بعد ایسا لگتا ہے کہ انفورسمنٹ ڈائریکٹوریٹ ( ای ڈی )  شیوسینا لیڈروں کے خلاف سرگرم ہوگئی ہے۔ شیو سینا لیڈر  اور ریاستی وزیر برائے ٹرانسپورٹ انل پرب کو سابق وزیر داخلہ  انل دیشمکھ کے خلاف منی لانڈرنگ کیس میں پوچھ تاچھ کیلئے سمن جاری کرنے کے دوسرے ہی دن  پیر کو ایجنسی نے شیو سینا کی رکن پارلیمنٹ بھاؤنا گاؤلی  کے9؍ ٹھکانوں  پر چھاپے مارے۔اس سے قبل انل پرب  کے معتمد سمجھے جانے والے  ڈپٹی ریجنل ٹرانسپورٹ آفیسر کو نشانہ بناتے ہوئے ان کے دفتر  اور گھر سمیت۳؍ مقامات پر سرچ آپریشن کیاگیا۔ 

 مرکزی تفتیشی ایجنسی نےایوت محل- واشم  سے  رکن پارلیمنٹ  بھاؤنا گاؤلی پر 72؍ کروڑ کی بدعنوانی اور منی لانڈرنگ کا الزام عائد کرتے ہوئے ان کے ٹرسٹ اور اسکول کے دفاتر سمیت 9؍ مقامات پر سرچ آپریشن کیا ہے۔ بھاؤنا گاؤلی نے ان چھاپوں   پر کچھ بھی کہنے سے گریز کرتے ہوئے کہا ہے کہ ای ڈی کی کارروائی مکمل ہونے کے بعد ہی وہ بیان جاری کریں گی۔  انہوں  نے دعویٰ کیا کہ ای ڈی  کے افسران کے ساتھ پورا تعاون کیا جارہاہے اور وہ جو بھی دستاویز مانگ رہے ہیں وہ انہیں فراہم کئے جارہے ہیں۔ گاؤلی کے مطابق’’چھاپوں کی کارروائی مکمل ہونے کے بعد ہم اس پر تبصرہ کریں گے۔‘‘

2019ء میں 5 ؍ویں مرتبہ ایم پی منتخب ہونے والی شیو سینا لیڈر بھاؤناکے خلاف تفتیشی ایجنسی نے یہ کارروائی  ۷۲؍کروڑ کے بد عنوانی اور منی لانڈرنگ کے معاملے میں کی ہے۔ایجنسی  نے جن  9؍ مقامات پر چھاپے مارے ہیں ان میں سے   ۷؍ اکیلے واشم ضلع کے رسوڈ  میں ہیں۔  ذرائع کے مطابق ان میں  ٹرسٹ کا دفتر، رسوڈاربن کوآپریٹیو کریڈٹ  سوسائٹی لمیٹڈ،  ایک  میڈیکل کالج کی آفس اور ایک اسکول کا دفتر شامل ہے۔ 

  ہریش سردا نامی ایک سوشل ورکر نے حال ہی میں  الزام لگایا ہے کہ بھاؤنا نے بالاجی سہکاری پارٹیکل بورڈ نامی اپنے ادارہ کے توسط سے نیشنل کو آپریٹیو ڈیولپمنٹ کارپوریشن  سے 35.43؍  کروڑ کا قرض لے کر اسے چونا لگایا ہے۔  ہریش کا الزام  ہے کہ بھاؤنا نے مرکزی ادارہ سے ۱۰؍ سال کیلئے قرض تو لے لیا مگر کمپنی کبھی قائم ہی نہیں کی۔  بھاؤنا گاؤلی پر اس طرح کی دیگر  بدعنوانیوں کا بھی الزام عائد کیاگیاہے۔ 

 وہیں دوسری طرف ایجنسی کے ذرائع سے موصولہ اطلاع کے مطابق ڈپٹی ٹرانسپورٹ آفیسر بجرنگ کھار مٹے کے گھر اور دفتر پر جو چھاپہ مار کارروائی کی گئی ہے وہ انل دیشمکھ کے خلاف درج کردہ کیس اور انل پرب کو بھیجے گئے سمن  سے متعلق تفتیش کا حصہ ہے۔  ای ڈی نے انل پرب کو سمن جاری کرتے ہوئے منگل کو انل دیشمکھ کے خلاف ہفتہ وصولی کے کیس میں پوچھ تاچھ کے لئے طلب کیا ہے ۔  اہم بات یہ ہے کہ  انل پرب نے گزشتہ ہفتہ ہی مرکزی وزیر نارائن رانے کو گرفتار کرنے کا حکم جاری کیا تھا۔  بہرحال  ای ڈی ذرائع کا کہنا ہےکہ تفتیش میں ریاستی وزیر انل پرب کا نام اس وقت منظر عام پر آیا جب پولیس فورس سے معطل کئے گئے افسر سچن وازے نے ان پر بھی بد عنوانی میں ملوث ہونے کا الزام لگایا ۔سچن واز ےنے انل پرب پر ۵۰؍ کروڑ  روپے ہفتہ مانگنے کا الزام لگایا تھا ۔

ایک نظر اس پر بھی

کانگریس میں اختلاف کے بڑھتے سر، سی ڈبلیو سی کی میٹنگ کوبتایادکھاوا، سینئر لیڈر نٹور سنگھ نے کہا ’’21 سالوں سے سونیا گاندھی ہیں پارٹی کی باس‘‘

کانگریس ورکنگ کمیٹی کی میٹنگ کے ایک دن بعد پارٹی کے ایک سینئر لیڈر نے سونیا گاندھی کے بارے میں بڑا بیان دیا ہے۔ سابق وزیر خارجہ نٹور سنگھ نے سی ڈبلیو سی کے اجلاس کو رسمی قرار دیا۔ انہوں نے کہا کہ سونیا گاندھی گزشتہ 21 سالوں سے پارٹی کی سربراہ ہیں۔

نوجوت سدھو نے سونیا گاندھی کولکھا خط کابینہ میں نئے وزیر بنانے سمیت 13 نکاتی ایجنڈا کیاپیش

پنجاب میں کانگریس کی مشکلات اب بھی کم ہونے کا نام نہیں لے رہی ہیں۔ پنجاب کانگریس کے صدر کے عہدے سے استعفیٰ اور پھر ڈرامائی انداز میں واپس آنے والے نوجوت سنگھ سدھو جنہوں نے اب ایک نیا مطالبہ پیش کیا ہے۔

امریندر سنگھ کی جگہ آپ کو پنجاب کا وزیراعلیٰ بنا رہے ہیں ! راہل گاندھی کے بتاتے ہی روپڑے تھے چرنجیت چننی

چرنجیت سنگھ چننی کو کانگریس پنجاب کا اگلا وزیر اعلیٰ بنا رہی ہے، یہ خبر انہیں راہل گاندھی نے فون پر دی۔ کانگریس کے سابق صدر نے ہفتہ کو اس کال کی وضاحت کی۔ کانگریس ورکنگ کمیٹی کی میٹنگ میں راہل نے کہا کہ جب انہوں نے چننی سے کہا کہ وہ اگلے وزیراعلیٰ ہوں گے تو وہ رو پڑے،چنی کو یقین ...

سرکاری قتل اب ’کنٹریکٹ کلنگ ‘ بن چکی: سنجے راوت

شیوسینا کے رکن پارلیمنٹ سنجے راوت نے اتوار کو مرکزی حکومت پر تحقیقاتی ایجنسیوں کے مبینہ طور پر غلط استعمال کئے جانے پر شدید تنقید کا نشانہ بنایا۔ انہوں نے کہا کہ مہاراشٹرا میں سیاسی حریفوں کو ختم کرنے کے لیے ’حکومتی قتل ‘ کی جگہ اب ’’ کنٹریکٹ کلنگ ‘‘ نے لے لی گئی ہے اوراس ...

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چھتیس گڑھ کے وزیراعلیٰ کا آر ایس ایس پر حملہ: کہا،’ وہ فسادات بھڑکاکر شہر تباہ کر یں گے‘

صوبہ کے کوردھاشہر میں فرقہ وارانہ تشدد کے بہانے بی جے پی اور آر ایس ایس کی ذیلی تنظیموں کا احتجاج جاری ہے۔ دریں اثناء ریاست کے وزیر اعلیٰ بھوپیش بگھیل نے آر ایس ایس اور بی جے پی کو آڑے ہاتھوں لیا ہے ۔ وزیر اعلیٰ نے کہاکہ یہ لوگ صرف دو چیزوں میں مہارت رکھتے ہیں۔

اترپردیش مدرسہ ایجوکیشن بورڈ کا فیصلہ مدارس میں اب ریاضی، تاریخ اور سائنس پڑھانا لازمی

اتر پردیش میں سرکاری منظوری والے مدارس کے طلبا کو آئندہ تعلیمی سیشن سے این سی ای آر ٹی نصاب کے مطابق لازمی موضوعات کی شکل میں ریاضی، تاریخ، سائنس اور سماجیات کی بھی تعلیم دی جائے گی۔ یو پی بورڈ آف مدرسہ ایجوکیشن نے مدرسہ ایجوکیشن کو دیگر اسکولوں کی تعلیم کے ساتھ یکساں لانے ...