ای ڈی کاشیوسینا کے ایم ایل اے پرتاپ سرنائک کے گھر پر چھاپہ
تھانے،24 /نومبر(آئی این ایس انڈیا)سینا کے ایم ایل اے اور ترجمان پرتاپ سرنائک کے تھانے شہر واقع گھر پرانفورسمنٹ ڈائریکٹوریٹ(ای ڈی)کے عہدیداروں نے چھاپہ مارا ہے۔ای ڈی کے عہدیداروں کے ذریعہ پرتاپ سرنائک کے کنبہ کے افراد کے معاشی لین دین کی جانچ کی جارہی ہیں۔ ممبئی اور تھانے سمیت 10 مقامات پر ریڈ کی بات سامنے آئی ہے۔
اطلاعات کے مطابق یہ ریڈ ٹاپ سکیورٹی گروپ اور ایم ایل اے پرتاپ سرنائک کے مابین اقتصادی لین دین کی وجہ سے ہوئی ہے۔انفورسمنٹ ڈائریکٹوریٹ کو شبہ ہے کہ پرتاپ سرنائک اور اس کے اہل خانہ نے اپنے مالی لین دین کو چھپا یاہے۔ ای ڈی حکام اس کی تحقیقات کر رہے ہیں۔
پرتاپ سرنائک خود ایک غیر منقولہ جائداد کے ڈویلپر ہیں۔ وہ شیوسینا میں ایک تیز طرار لیڈر کے طور پر جانے جاتے ہیں۔ اپنے بیانات کی وجہ سے سرخیوں میں رہنے والے شیوسینا ایم ایل اے پرتاپ سرنائک کے گھر اور دفتر پر انفورسمنٹ ڈائریکٹوریٹ (ای ڈی) نے چھاپہ مارا ہے،تاہم چھاپہ ماری کس سلسلے میں کی جارہی ہے اس کے بارے میں ابھی تک کوئی انکشاف نہیں ہوا ہے۔
شیو سینا ای ڈی کے غلط استعمال کا الزام عائد کرتی رہی ہیں۔شیوسینا پر مرکز کی بی جے پی حکومت کے ذریعہ مرکزی انویسٹی گیشن ایجنسی اور خاص طور پر ای ڈی کے غلط استعمال کا الزام عائد کیا جاتا رہا ہے۔ فی الحال شیوسینا نے بھی اسے انتقام کی سیاست اور بی جے پی کے خلاف بولنے والے قائدین کی آواز کو دبانے کی کوشش قرار دیا ہے۔ پرتاپ سرنائک یا ان کی فیملی ای ڈی سے کسی بھی قسم کا سمن نہ بھیجنے کی بات سامنے آرہی ہے۔ بی جے پی رہنما کریٹ سومیہ نے کہا کہ ای ڈی بغیر ہوم ورک کے نہیں جائے گی۔ اگر سرنائک نے بدعنوانی کا ارتکاب کیا ہے تو کارروائی کی جانی چاہئے۔ شیوسینا ای ڈی پر غلط استعمال کا الزام عائد کرتی رہتی ہے