بنگلورو، 22؍نومبر(ایس او نیوز) ریاستی وزیراعلیٰ بسوراج بومئی نے کہاکہ ایک عام کنڑیگا کو اقتصادی طورپر مضبوط کرنا وقت کی اہم ضرورت ہے کیونکہ اقتصادی طورپر مضبوط خاندان کی جانب سے زبان کی ترقی ممکن ہے - امریکہ کے واشنگٹن کے شہر سیاچن میں امریکی کنڑیگا کے فیڈریشن (آئی) کی جانب سے بذریعہ آن لائن منعقد کنڑا راجیہ اتسوا کا یہاں اپنے گھر میں افتتاح کرتے ہوئے بومئی نے اس خیال کا اظہارکیا - انہوں نے کہاکہ ایک عام کنڑیگا کے علاوہ ریاست کے تمام کنڑیگا خاندانوں کو اقتصادی طورپر مستحکم کرنا حکومت کا مقصد ہے جس کے لئے کنڑیگاؤں کو زیادہ سے زیادہ روزگار کے مواقع فراہم کرنے تعلیم اور ہنرمندی کی تربیت کنڑا میں دئے جانے کی کوشش کی جارہی ہے - انہوں نے کہاکہ کنڑا ریاست وزبان کی ترقی میں امریکہ کے کنڑیگاؤں کی تنظیموں کا رول بے حد اہم ہے -انہیں چاہئے کہ امریکی کمپنیوں اور اداروں کو کرناٹک میں سرمایہ کاری کے لئے راغب کریں - پروگرام میں اڑپی پتگے مٹھ کے سوامی سگیندرا سوامی،ریاستی وزیربرائے اعلیٰ تعلیم ڈاکٹر اشوتھ نارائن، وزیربرائے کنڑا وثقافت سنیل کمار اکا کے صدر ٹمکور دیانند، ڈاکٹر امرناتھ تاوریکیرے ودیگر حاضر رہے -