ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی
لندن،16/ستمبر(آئی این ایس انڈیا)کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔
انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ہے۔بورڈ کے چیف ایگزیکٹو آفیسر نے ملازمت میں کمی کے بارے میں آگاہ کیا۔
ہیریسن نے کہا ہے کہ کورونا کی وجہ سے پیدا ہونے والے معاشی بحران کی وجہ سے یہ اقدام اٹھایا جارہا ہے۔ ہیریسن نے ایک بیان میں کہاکہ حال ہی میں ہم نے اپنے مقاصد کی تکمیل کے لئے اخراجات کم کرنے کے لئے ای سی بی کے ڈھانچے اور بجٹ کا جائزہ لیا ہے۔ ہم نے اپنے ساتھ کام کرنے والے لوگوں کے ساتھ اس کو شیئر کیا اور منظوری مل گئی ہے، اس سے ضروری بچت کی جاسکے گی۔
اس سے ای سی بی کاہر شعبہ متاثر ہوگا اور یہ بچت اسی صورت میں ممکن ہے جب ہم کچھ کم کریں۔انگلینڈ کرکٹ بورڈ اپنے اخراجات کم کررہا ہے۔ انہوں نے کہاکہ ان تجاویز میں 20 فیصد کمی کا معاملہ ہے، جس کے مطابق 62 ملازمتوں کو کم کرنا پڑے گا۔ نیز ہم موجودہ عہدوں کی تعداد کو تبدیل کرکے بچانے کی کوشش کر رہے ہیں۔
ہیریسن نے کہا کہ ای سی بی ان لوگوں کی مدد کرنے کے لئے تیار ہے جو اس تجویز سے متاثر ہوں گے۔ انہوں نے کہاکہ ہم اپنے ساتھیوں کی مدد کریں گے جو آنے والے دنوں میں اس تجویز سے متاثر ہوں گے۔