ممبئی 16ستمبر(ایس او نیوز/آئی این ایس انڈیا) مہاراشٹر میں اسمبلی انتخابات کی تاریخوں کا اعلان جلدکیاجاسکتا ہے۔ چیف الیکشن کمشنر سنیل ارورہ سمیت دونوں الیکشن کمشنر17 ستمبر کو مہاراشٹر کا دورہ کریں گے۔ذرائع نے بتایاہے کہ الیکشن کمشنر 18 ستمبر کو مہاراشٹر سے لوٹیں گے۔اس کامطلب ہے کہ 19 ستمبر کو ریاست میں اسمبلی کے لیے انتخابی پروگراموں کا اعلان کیا جائے گا۔مہاراشٹر میں اسمبلی کی288 سیٹیں ہیں۔ اس سے پہلے ایسی خبریں آئیں تھیں کہ مہاراشٹر اور ہریانہ میں ہونے والے اسمبلی انتخابات کی تاریخوں کااعلان اگلے چند دنوں میں ہو سکتا ہے۔ الیکشن کمیشن کے ذرائع کے مطابق دوسے تین دنوں میں تاریخوں کااعلان ہوسکتاہے۔تین ریاستوں مہاراشٹر، ہریانہ اور جھارکھنڈ میں سال کے اختتام سے قبل ہونے تک اسمبلی الیکشن طے ہیں۔ہریانہ اور مہاراشٹر کے انتخابات کے نوٹیفکیشن پہلے آ جائیں گے۔ وہیں جھارکھنڈ میں اسمبلی کے انتخابات بعد میں ہوں گے اور یہاں پر کئی مراحل میں ووٹنگ ہو سکتی ہے۔ذرائع کے مطابق دیوالی سے پہلے مہاراشٹر اور جھارکھنڈ میں ووٹنگ اورووٹوں کی گنتی کا عمل مکمل ہو جائے گی۔سال 2014 میں دونوں ریاستوں میں انتخابات کی تاریخوں کا اعلان 20 ستمبر کوہوا تھا اور 15 اکتوبر کو ووٹنگ ہوئی تھی۔ وہیں انتخابات کے نتائج 19 اکتوبر کو اعلان ہوئے تھے۔ تب دیوالی 23 اکتوبرکوپڑی تھی۔ 2014 میں جھارکھنڈ میں 25 نومبر سے 23 دسمبر کے درمیان 5 مراحل میں پولنگ ہوئی تھی۔