کرناٹک، اروناچل پردیش اور سکم کے کئی شہروں میں زلزلے کے جھٹکے محسوس کیے گئے
نئی دہلی،22 /دسمبر (آئی این ایس انڈیا) بدھ کو ملک کی کئی ریاستوں میں زلزلے کے جھٹکے محسوس کیے گئے۔ نیشنل سینٹر فار سیسمولوجی کے مطابق بدھ کی صبح بنگلورو میں ریکٹر اسکیل پر 3.3 کی شدت کا زلزلہ آیا۔
ایجنسی کے مطابق زلزلے کا مرکز بنگلورو سے 66 کلومیٹر شمال شمال مشرق میں تھا۔ زلزلہ ہندوستانی وقت کے مطابق صبح 7 بج کر 14 منٹ پر سطح سے 23 کلومیٹر کی گہرائی میں آیا۔
بدھ کی صبح اروناچل پردیش کے پنگین کے قریب 4.3 شدت کے زلزلے کے جھٹکے محسوس کیے گئے۔ زلزلے کا مرکز پنگین سے 169 کلومیٹر شمال-شمال مشرق (این این ای) تھا۔ زلزلہ ہندوستانی وقت کے مطابق صبح 4:06 بجے سطح سے 111 کلومیٹر کی گہرائی میں آیا۔سکم کے شہر یوکسوم کے قریب زلزلے کے جھٹکے محسوس کیے گئے جس کی شدت ریکٹر اسکیل پر 3.7 تھی۔ زلزلے کا مرکز یوکسوم سے 154 کلومیٹر شمال-شمال مغرب (این ای ڈبلیو) میں تھا۔ زلزلہ ہندوستانی وقت کے مطابق صبح 3:01 بجے سطح سے 10 کلومیٹر کی گہرائی میں آیا۔
بدھ کی صبح پورٹ بلیئر کے قریب زلزلے کے جھٹکے محسوس کیے گئے جن کی شدت ریکٹر اسکیل پر 4.3 تھی۔ زلزلے کا مرکز پورٹ بلیئر سے 172 کلومیٹر جنوب مشرق (ایس ای) میں تھا۔ زلزلہ ہندوستانی وقت کے مطابق صبح 2 بجکر 38 منٹ پر سطح سے 34 کلومیٹر کی گہرائی میں آیا۔