بھٹکل:30؍جون(ایس اؤ نیوز)صدرہند تمغہ برائے سرویس کے لئے منتخب ہوئے بھٹکل ڈی وائی ایس پی ویلنٹائن ڈیسوزا کی سینٹ جان بیاپٹسٹ کمیٹی ہڈین بال کی جانب سے تہنیت کرتے ہوئے ان کی شال پوشی کی گئی ۔

وکیل وکٹر گومس کے گھر میں منعقد ہوئی مختصر تقریب میں ڈی وائی ایس پی ویلنٹائن ڈیسوزا کی تہنیتی تقریب منعقد کی گئی تھی۔ جہاں تہنیت قبول کرنے کے بعد ڈی وائی ایس پی نے کہاکہ مجھے اطمینان ہے کہ میں نے اپنی سرویس سماجی خدمت کے طورپر انجام دی ہے، بھٹکل کا تجربہ مجھے دیگرمقامات پر کام کرنے کے لئے معاون بنا، نوجوانوں کو بیدار کرنے والے کئی ایک پروگراموں میں شرکت کیا ہوں، مگر بھٹکل عوام کی محبت بہت بڑی ہونے کی بات کہی ۔ وکیل وکٹر گومس نے بھی اپنے خیالات کا اظہار کیا۔ پرکاش ڈایاس نے سپاس نامہ کی خواندگی کی۔ ڈائس پر کمیٹی کے صدر ہینری روڈریگس ، نائب صدر مریان مرانڈ،ریجینا وکٹر گومس وغیرہ موجود تھے۔ سکریٹری سریش لوپیش نے استقبال کرتے ہوئے نظامت کے فرائض انجام دئیے ۔