سدانندگوڈا، پربلاد جوشی، سریش انگڑی، شیوکمار اداسی مرکزی وزارت کی دوڑ میں ایڈی یورپا، شوبھا کے حق میں، نرملا سیتارامن کونیااہم قلمدان ملنے کی توقع

Source: S.O. News Service | By Shahid Mukhtesar | Published on 25th May 2019, 12:20 PM | ریاستی خبریں |

بنگلورو،25؍مئی (ایس او نیوز) مرکزی وزیر برائے اسٹاٹسٹکس اور پروگرام اپلی منٹیشن، ڈی وی سدانندگوڈا،ہبلی- دھارواڈ لوک سبھا رکن پربلاد جوشی،بلگام سے رکن پارلیمان سریش انگڑی اور ہاویری رکن پارلیمان شیوکمار اداسی اب کرناٹک سے مرکزی وزارت کے لئے دوڑ میں سب سے آگے ہیں - توقع ہے کہ گوڈا کو اس بار بھی موقع مل جائے گا- اگر بھارتیہ جنتا پارٹی (بی جے پی) وکلیگا فرقے کو پھر سے نمائندگی دینے کا فیصلہ کرے-تاہم توقع ہے کہ بی جے پی کے ریاستی صدر بی ایس ایڈی یورپا، اڈپی چکمگلور سے رکن پارلیمان شوبھا کرندلاجے کے نام پر زور دیں گے- ایسی صورتحال میں گوڈا یا شوبھا میں سے کسی ایک کو ہی کابینہ میں جگہ ملے گی- زعفرانی ذرائع نے یہاں اس بات کی اطلاع دی ہے- اگر پارٹی سینیارٹی کی بنیاد پر جاتی ہے تو جوشی اور انگڑی کے امکانات زیادہ ہیں جنہوں نے لگاتار چوتھی بار کامیابی حاصل کی ہے- اس طرح لنگایت کوٹے پر توجہ دی گئی تو ہاویری سے 3بار رکن پارلیمان اداسی کے بھاگ کھل جائیں گے- یہ بات اس حساب سے بھی درست ہوگی جب وزیر اعظم نریندر مودی اپنی ٹیم میں کسی نئے چہرے کو شامل کرنا چاہیں - موجودہ حکومت میں سدانندگوڈا کابینی وزیر ہیں جبکہ بیجاپور رکن پارلیمان امیش جگجنگی اور شمالی کنڑا کے اننت کمار ہیگڈے وزرائے مملکت ہیں - حالانکہ جگجنگی اورہیگڈے کے دوبارہ وزارت ملنے کے امکانات کم ہیں - لیکن کرناٹک بی جے پی لیڈران جگجنگی کے نام پر زور دیں گے تاکہ دلت برادری کو نمائندگی کی بات رہ جائے- ریاست سے راجیہ سبھا رکن نرملا سیتارامن فی الحال وزیر دفاع ہیں - ذرائع نے بتایا کہ وہ نئی کابینہ میں بھی جگہ بنائیں گی اورانہیں کوئی اہم اور ضروری قلمدان ملے گا-

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔