جعلی کریڈٹ کارڈ سے کی 3 کروڑ کی خریداری، پولیس نے کیا2افراد کوگرفتار
نئی دہلی، 28 مئی(ایس او نیوز/آئی این ایس انڈیا) اتر پردیش کے نوئیڈا تھانہ سیکٹر 20 میں پولیس نے فرضی طریقے سے امریکن ایکسپریس کمپنی کے کریڈٹ کارڈ سے خریداری کرنے والے نوجوانوں کو گرفتار کیا ہے۔اس گینگ کا ایک رکن آسٹریلیا میں رہتا ہے جسے گرفتار کرنے کے سمت میں پولیس کارروائی کر رہی ہے۔دونوں ملزمان کے پاس سے پولیس نے امریکن ایکسپریس کمپنی کے 5 کریڈٹ کارڈ برآمد کئے ہیں۔پولیس کی کارروائی میں جعل سازوں کے قبضے سے 10 آدھار کارڈ، 7 پین کارڈ، 6 اے ٹی ایم کارڈ، ایک ڈرائیونگ لائسنس، ایک لیپ ٹاپ، دو موبائل فون، ایک سوئفٹ کار اور 20000 ہزار روپے ملے ہیں، جسے پولیس نے قبضہ کر لیا ہے۔نوئیڈا پولیس کی گرفت میں کھڑے یہ جعل ساز دہلی رہائشی سندیپ کمار اور ہریانہ رہائشی سندیپ بینی وال ہیں جو فرضی شناختی کاغذات کی بنیاد پر امریکن ایکسپریس کمپنی سمیت دیگر کمپنیوں کے سینکڑوں کریڈٹ کارڈ بنا کردھوکہ دہی کرتے ہیں۔اب تک اس گینگ نے تقریبا 3 کروڑ کی دھوکہ دہی کی ہے۔پولیس نے انہیں گرفتار کر لیا ہے اور ان کے خلاف مقدمہ درج کر لیا گیا ہے۔آسٹریلیا میں رہنے والے کو یہاں پہلے مطلوبہ لسٹ میں ڈالا جائے گا پھر آگے کی کارروائی کی جائے گی۔پولیس افسران کی مانیں تو یہ دونوں ملزم شیطانی چال کے مالک ہیں، جنہوں نے بی ٹیک کی ڈگری لی ہے۔یہ بدمعاش اپنے دوسرے ساتھی کی مدد سے بیرون ملک سے فرضی کاغذوں کے ذریعے امریکن ایکسپریس کمپنی کے کریڈٹ کارڈ بنا کر، ان سے سونے کی خریداری کر کے تین کروڑ سے زیادہ کی دھوکہ دہی کر چکے ہیں۔اس کی شکایت امریکن ایکسپریس کمپنی کے نمائندے کی طرف سے کی جا چکی ہے۔شکایت کا نوٹس لیتے ہوئے تھانہ سیکٹر 20 پولیس نے گرفتار کر ملزمان کو جیل بھیجا ہے۔پولیس اس گینگ سے منسلک دوسرے لوگوں کو بھی تلاش رہی ہے۔