کاروار : مسلسل برستی بارش کی وجہ سے بکروں اور دنبوں کا بازار ٹھنڈا

Source: S.O. News Service | By Abu Aisha | Published on 8th August 2019, 7:06 PM | ساحلی خبریں |

کاروار:8؍اگست(ایس اؤ نیوز) 12اگست کو منائی جانے والی بقرعید کے پیش نظر شہر میں بکروں اور مینڈھوں کا بیوپار شروع تو ہوگیا ہے مگر موسلادھار بارش کی وجہ سے بازار ٹھنڈا ہونے کی اطلاعات موصول ہوئی ہیں۔

کوڑی باغ   میں، سرودیا علاقے کے قبرستان کے سامنے ، کورونیٹ آئس پلانٹ کے قریب والی شاہراہ کنارے بکروں کے بیوپاری ٹھکانہ ڈالے ہوئے ہیں۔ بقرعید کے موقع پر مسلمان بکروں اور دنبوں کی خریداری کرتے ہیں، اکثر لوگ عید کے دوچار دن پہلے ہی خریداری کرتےہیں، جس کو دیکھتے ہوئے بیوپاری وقت سے پہلے شہر کے مختلف جگہوں پر ٹھکانہ ڈالے ہوئے گاہکوں کے انتظار میں ہیں۔

گزشتہ برس کے مقابلے امسال  زیادہ بارش ہونے کی وجہ سے  ابھی تک بیوپار کم ہے، مقامی بیوپاریوں کے علاوہ  کوپل، وجئےپورا وغیرہ کے دور دراز مقامات سے بھی تاجر شہر پہنچے ہیں۔ کوپل سے کاروار پہنچے بکروں کے تاجر ایرنا بنڈی  نے بتایا کہ دو دن پہلے بکروں کو  پہنچنا تھا مگر بارش کی وجہ سے دیری ہوئی اور سبھی جانور ہوناور کے راستے شہر پہنچے ہیں۔ مزید  کہاکہ فی الحال ان کے پاس  24بکرے ہیں اگر بیوپار زیادہ ہوگاتو مزید منگوا سکتے ہیں۔ مقامی تاجروں کے پاس راجستھانی ، گجراتی نسل کے دنبے اور بکرے ہیں۔

اخبارنویسوں سے گفتگو کرتے ہوئے بکروں کے ایک تاجر نے بتایا کہ پچھلے سال کی بنسبت  سے امسال دنبوں اور بکروں کی قیمتوں میں تھوڑا سا  یعنی 1500سے 3000روپیو ں تک اضافہ بھی ہواہے، مقامی طورپر بہتر پرورش کردہ بکرے کی قیمت 15سے 22ہزار روپئے تک ہے تو دنبوں کی قیمت 15سے 26ہزارمیں ہے۔ بکروں کے تاجر نے اُمید ظاہر کی کہ آئندہ چند دنوں میں اُنہیں اچھے گاہک ملیں گے۔

ایک نظر اس پر بھی

منگلورو ایئر پورٹ میں بم رکھنا اور پھر ملزم کا بنگلورو چلے جاناانٹلی جنس ایجنسی کی ناکامی کانتیجہ۔ رکن اسمبلی یوٹی قادر کا بیان

سابق وزیر اور موجودہ رکن اسمبلی یوٹی قادر نے منگلورو ایئر پورٹ پر بم رکھنے کے معاملے میں کہا ہے کہ یہ پوری طرح انٹلی جنس ایجنسی کی ناکامی کا نتیجہ ہے۔

بھٹکل مجلس اصلاح وتنظیم میں عہدیداران اور عمائدین سے  جماعت اسلامی ہند کرناٹک کے امیر حلقہ ڈاکٹر بلگامی  کا خطاب

آج ملک جس طرح ظالمانہ  پالیسی کو اپنائے ہوئے جس ڈگر پر چل پڑاہےوہ مستقبل کو ملک کو بہت بڑا نقصان پہنچا ئے گا ۔ فاشسٹ قوتیں اس ملک کو خطرناک راہوں پر لے جارہے ہیں ، ملکی دستور خطرے میں ہے فی الفور ملک کے عوام کو ملک کے دستور کی حفاظت کرتےہوئے ملک بچانےکی بہت بڑی ذمہ داری عائد ہونے ...

بھٹکل کپڑا بینک کی خدمات قابل ستائش : حکومت اس طرح کے بینک دیگر مقامات پر بھی قائم کرے : ماحولیاتی تحفظ کمیٹی ممبر آل میترا

بھٹکل کے عثمانیہ کالونی میں واقع ’’کپڑا بینک ‘‘ کا دورہ کرتے ہوئے ماحولیاتی تحفظ کمیٹی کی ممبر وکیل آل میتر ا نے کپڑا بینک کی طرف سے دی جارہی خدمات کی تفصیلی جانکاری حاصل کرنے کےبعد کہاکہ ہم حکومت سے سفارش کریں گے کہ اس طرح کے کپڑا بینک ملک کے دیگر شہروں میں بھی قائم کریں۔

منگلورو بم معاملے کی شفافیت کے ساتھ جانچ کا مطالبہ لے کر بھٹکل ایس ڈی پی آئی کی جانب سے حکومت کو  میمورنڈم؛ وزیرداخلہ سے مانگا گیا استعفیٰ

منگلورو ہوائی اڈے پر پائے گئے بم معاملےکی شفافیت کے ساتھ تفتیش کرتےہوئے حقائق کو عوام کے سامنے لانے اور ریاستی وزیر داخلہ بسورا ج بومائی کے استعفیٰ کا مطالبہ لےکر سوشیل ڈیموکرٹیک آف انڈیا (ایس ڈی پی آئی ) بھٹکل کی جانب سے بھٹکل تحصیلدار کے توسط سے حکومت کو میمورنڈم سونپا گیا۔

بھٹکل میں ویلفئیر پارٹی آف انڈیا (ڈبلیو پی آئی ) کی جانب سے دستور بچاؤ،شہریت بچاؤ مہم

ویلفئیر پارٹی آف انڈیا کی طرف سے ملک گیر سطح پر23جنوری سے 30جنوری تک  منائی جارہی ’دستور بچاؤ:شہریت بچاؤ‘ مہم  کی مناسبت سے مرحلہ وار مختلف کاموں کو انجام دینے کا  ڈبلیو پی آئی اترکنڑا ضلع صدر ڈاکٹر نسیم خان نے اعلان کیا۔