دبئی اور امارات میں پھنسے بھٹکل اور اطراف کے لوگوں کو چارٹرڈ فلائٹ کے ذریعے مینگلور لے جانے کی مل گئی اجازت؛ 12 جون کو بھرے گی اُڑان

Source: S.O. News Service | By I.G. Bhatkali | Published on 11th June 2020, 12:16 AM | ساحلی خبریں | خلیجی خبریں |

بھٹکل 10/جون (ایس او نیوز)  دبئی اور عرب امارات میں پھنسے بھٹکل اور اطراف کے لوگوں کو   چارٹرڈ فلائٹ کے ذریعے مینگلور  روانہ  کرنے   کے لئے انڈین ایمباسی  سے جو اجازت طلب کی گئی تھی، اسے منظور کرلیا گیا ہے اور انڈین ایمباسی نے   ای میل روانہ کرتے ہوئے  بھٹکل کے بزنس مین جناب عتیق الرحمن مُنیری کو ہدایت دی ہے کہ وہ  12 جون کو  اپنی فلائٹ (اسپائس جیٹ)  راس الخیمہ سے    مینگلور لے جاسکتے ہیں۔اس بات کی اطلاع  نُہٰی جنرل ٹریڈنگ دبئی  کے چیرمین اور قومی سماجی ادارہ مجلس اصلاح و تنظیم بھٹکل کے نائب صدر جناب عتیق الرحمن مُنیری نے دی۔

وہاٹس ایپ پر معلومات فراہم کرتے ہوئے جناب مُنیری نے بتایا کہ  فلائٹ 12 جون کو رات ٹھیک نو بجے راس الخیمہ ائرپورٹ سے اُڑان بھرے گی، فلائٹ میں 175 مسافروں  کے ساتھ نو بچے بھی ہوں گے۔ حاملہ خواتین، عمر رسیدہ حضرات اور اُن  لوگوں کو  فلائٹ میں اولین ترجیح دی گئی ہے جو 14 دن کی ویزا پر دبئی آئے تھے اور دو ماہ سے بھی زائد عرصہ سے لاک ڈاون میں بری  طرح پھنس گئے تھے۔

ذرائع سے پتہ چلا ہے کہ جمعہ کو دبئی اور امارات کے دفتروں میں چھٹی ہونے کی بنا پر  مسٹر مُنیری نے  11/جون کے بجائے 12 جون (بروزجمعہ)  کے لئے   چارٹرڈڈفلائٹ کی اجازت طلب کی تھی اور آج بدھ کو  پورے ایک ہفتے بعد  انڈین ایمباسی نے بذریعہ ای میل  جواب دیا  ہے کہ اُن کی درخواست کو قبول کرلیا  گیا ہے  اور اب  وہ اپنی  اگلی کاروائی کرسکتے ہیں۔

بتایا گیا ہے کہ  تمام مسافروں کو فلائٹ پر سوار کرانے سے پہلے راس الخیمہ ائرپورٹ پر  اُن کی تھرمل اسکیننگ کی جائے گی اور جانچ کے بعد ہی فلائٹ پر سوار کرایا جائےگا۔ اس بات کو دیکھتے ہوئے  اُن سے کہا گیا ہے کہ  تمام  مسافروں کو فلائٹ کے اُڑان بھرنے سے پانچ گھنٹہ پہلے ائرپورٹ پر حاضر رہنا ہوگا۔

جناب عتیق الرحمن مُنیری نے بتایا کہ  ہمیں دبئی سے خصوصی بس کے ذریعے تمام مسافروں کو لے کر  پانچ گھنٹہ پہلے ہی راس الخیمہ ائرپورٹ پہنچنا ہوگا، ساتھ ساتھ  ہمیں   زائد از 25 لوگوں  کو  الگ سے  اپنے ساتھ ائرپورٹ لے جانا پڑے گا کیونکہ اگر خدانخواستہ   تھرمل اسکیننگ میں کسی کو فلائٹ پر سوار کرنے  کی اجازت نہیں دی گئی  تو اُن کی جگہ پر متبادل لوگوں  کو فلائٹ پر سوار کرایا جاسکے۔

انہوں نے یہ بھی بتایا کہ فلائٹ کے منگلور پہنچنے کے بعد مینگلور سے بھٹکل کے لئے بھی خصوصی بس کا انتظام کرانا ہے، اسی طرح مسافروں کو کورنٹائن بھی کرانا ہے، اس کے لئے مجلس اصلاح وتنظیم بھٹکل  نے بھرپور تعاون دینے کی  یقین دھانی کرائی ہے، اسی کے ساتھ بھٹکلی جماعت المسلمین مینگلور نے بھی اپنی جانب سے ہرممکن تعاون فراہم کرنے کا تیقن دیا ہے۔

جناب عتیق الرحمن مُنیری نے بتایا کہ دبئی میں  انہیں  بھٹکل کے ذمہ داران  سمیت   کئی سارے  نوجوان   بھرپور تعاون فراہم کررہے ہیں،  اسی طرح منکی مسلم جماعت کے صدر جناب ابومحمد مختصر کا بھی بھرپور  تعاون حاصل ہے۔ انہوں نے تعاون فراہم کرنے والوں کا فرداً فرداً شکریہ  ادا کرتے ہوئے  دُعا کی کہ اللہ تماموں کو جزائے خیر عطا فرمائے۔

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...

شاہ عبدالعزیز لائبریری کا "چلڈرنز بُک کلب" ، منصوبے میں 15 ہزار سے زیادہ بچوں کا اندراج

ریاض میں واقع "شاہ عبدالعزیز لائبریری" کے منصوبے "چلڈرنز بُک کلب" کے لیے بچوں کی دل چسپی میں اضافہ ہو رہا ہے۔ اب تک مملکت کی سطح پر 15 ہزار سے زیادہ بچے اس منصوبے میں اپنا اندراج کرا چکے ہیں۔ ان بچوں کو مختلف نوعیت کی کتب ارسال کی جاتی ہیں۔ وہ ان کا مطالعہ کر کے کہانیوں ، افکار اور ...

سعودی عرب اور یو اے ای کو لبنان امدادی کانفرنس میں شرکت کی دعوت ، ایران غیرمدعو

سعودی عرب ، متحدہ عرب امارات اور خلیج تعاون کونسل کے دوسرے رکن ممالک اتوار کو فرانس میں منعقد ہونے والی لبنان امدادی کانفرنس میں شرکت کریں گے۔ چین اور روس بھی اس کانفرنس میں شرکت کررہے ہیں لیکن ایران کو اس میں شرکت کی دعوت نہیں دی گئی ہے۔

بیروت دھماکے کے بعد غصے میں بپھرے عوام کو مظاہرے کے لیے اکٹھا ہونے کی کال

لبنان میں جمعے کی شام متعدد شہری تنظیموں اور سوسائٹیز کی جانب سے سامنے آنی والی کال میں عوام سے مطالبہ کیا گیا ہے کہ وہ ہفتے کی سہ پہر مقامی وقت کے مطابق 4 بجے سے بیروت کے وسط میں الشہداء اسکوائر پر جمع ہونا شروع ہو جائیں۔

لبنان کی مشکل اور پیچیدہ صورت حال میں مدد کے لیے حاضر ہیں: احمد ابو الغیط

عرب لیگ کے سکریٹری جنرل احمد ابو الغیط آج ہفتے کے روز بیروت پہنچے ہیں۔ اپنے دورے میں وہ لبنانی صدر میشل عون، وزیر اعظم حسان دیاب اور پارلیمنٹ کے اسپیکر نبیہ بری سے ملاقات کریں گے۔ ابو الغیط بیروت کی بندرگاہ پر دھماکے کی جگہ کا دورہ بھی کریں گے۔بیروت کے ہوائی اڈے پر پہنچنے کے ...