دبئی،21/جنوری (آئی این ایس انڈیا) دبئی میں سیاحت اور کامرس مارکیٹنگ کے محکمے "دبئی ٹور ازم" نے امارت دبئی کے ہوٹلوں اور ریستورانوں میں تفریحی سرگرمیوں کو عارضی طور پر روک دینے کا اعلان کیا ہے۔ یہ فیصلہ جمعرات 21 جنوری سے تا حکمِ ثانی نافذ العمل ہو گا۔ محکمہ  کی جانب سے کہا گیا ہے کہ یہ فیصلہ سیاحت کے سیکٹر سے متعلق تمام شعبوں میں کرونا وائرس سے بچاؤ کے لیے احتیاطی اقدامات اور حفاظتی تدابیر کو یقینی بنانے کے سلسلے میں کیا گیا ہے۔

محکمہ  کی جانب سے جاری نوٹیفکیشن میں واضح کیا گیا ہے کہ زمینی تفتیش اور معائنوں میں بات سامنے آئی کہ تفریحی سرگرمیوں کے دوران خلاف ورزیوں میں اضافہ ہو رہا ہے۔

محکمہ  کا کہنا ہے کہ وہ شعبہ صحت کے حکام کے ساتھ مل کر صورت حال کا مسلسل جائزہ لے رہا ہے۔ ان تمام کوششوں کا مقصد معاشرے کی حفاظت اور صحت و سلامتی کو یقینی بنانا ہے۔