دروپدی مرمو ادیواسی خاتون ہیں اس لئے ان کے ہاتھوں سے پارلیمنٹ کی نئی عمارت کا افتتاح نہیں کروایا گیا: پرکاش امبیڈکر

Source: S.O. News Service | Published on 29th May 2023, 10:26 AM | ملکی خبریں |

ممبئی، 29/مئی (ایس او نیوز/ایجنسی) پارلیمنٹ کی نئی عمارت کی افتتاحی تقریب کا اپوزیشن جماعتوں نے بائیکاٹ کا اعلان کیا ہے۔ وہیں ونچت بہوجن اگھاڑی کے سربراہ اور دستورِ ہند کے معمار بابا صاحب امبیڈکر کے پوتے پرکاش امبیڈکر نے نئی پارلیمنٹ عمارت کی افتتاحی تقریب میں صدرجمہوریہ ہند کو مدعو نہ کئے جانے کے متعلق متنازعہ بیان جاری کر ایک نئی بحث کا آغاز کر دیا ہے۔

پرکاش مبیڈکر نے اپنے ویڈیو پیغام میں بی جے پی اور آرایس ایس کو سخت تنقید کا نشانہ بناتے ہوئے کہا کہ مرکز میں آر ایس ایس اور بی جے پی کی حکومت ہے، دونوں ہی تنظیمیں ویدک دھرم کی پرچارک ہیں۔ ویدک دھرم میں نہ عورتوں کو اہمیت دی جاتی ہے اور نا ہی ادیواسیوں کو اہمیت دی جاتی ہے۔ صدرجمہوریہ دروپدی مرمو ایک خاتون اور ادیواسی ہیں۔ آر ایس ایس بی جے پی کے نظریے میں دونوں کو ہی انسان نہیں سمجھا جاتا ہے۔ آج یہی دیکھا جا رہا ہے کہ نئی پارلیمنٹ کی عمارت کا افتتاح صدرِ جمہوریہ ہند کی بجائے بی جے پی نے اپنے ہی آدمی وزیراعظم نریندر مودی سے کروایا ہے۔

بی جے پی کے اس عمل کے ذریعے ملک بھر کے ادیواسیوں کو یہ پیغام دیا جا رہا ہے کہ ان کی کوئی اہمیت نہیں ہے۔ انہوں نے اپنے پیغام میں یقین دلایا کہ 2024 کے عام انتخاب میں بی جے پی کو شکست دے کر صدرجمہوریہ ہند دروپدی مرمو کے ہاتھوں دوبارہ پارلیمنٹ کی نئی عمارت کا افتتاح کروایا جائے گا۔

واضح رہے کہ پارلیمنٹ کی نئی عمارت کا افتتاح صدر جمہوریہ ہند کی بجائے وزیر اعظم نریندر مودی کے ہاتھوں ہونے جا رہا ہے۔ اپوزیشن جماعتوں کو اس پر سخت اعتراض ہے۔ ان کا ماننا ہے کہ آئین کے مطابق صدر جمہوریہ تینوں فوجوں کا سربراہ ہوتا ہے بلکہ وہ پارلیمنٹ کے ان تینوں پہلوؤں میں سے بھی ایک ہوتا ہے، جو لوک سبھا، راجیہ سبھا اور صدر کہلاتے ہیں۔ لہٰذا اپوزیشن جماعتوں کا پرزور مطالبہ ہے کہ اس عمارت کا افتتاح صدر جمہوریہ ہند دروپدی مرمو کے ہاتھوں ہی ہونا چاہیے۔ اس مطالبے کی عدم تکمیل پر اپوزیشن جماعتوں نے مشترکہ طور پر افتتاحی تقریب کا بائیکاٹ کیا ہے۔ حیرت کی بات یہ ہے کہ مودی حکومت نے اس تقریب کے لیے صدر جمہوریہ ہند کو مدعو تک نہیں کیا۔ اپوزیشن جماعتوں کا کہنا ہے کہ صدر جمہوریہ کی غیرموجودگی میں پارلیمنٹ کی نئی عمارت کا افتتاح کرنا نہ صرف صدر کے عہدے کی توہین ہے بلکہ جمہوری اقدار پر بھی حملہ ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...