بنگلورو، 16؍ جون (ایس او نیوز) ایس ایس ایل سی اور پی یو سی کے امتحانات جو اسی مہینہ میں ہونے جارہے ہیں۔ امتحان دینے والے طلباء کیلئے محکمہ تعلیم کی جانب سے ضروری ہدایات جاری کی گئی ہیں۔

پی یو سی انگریزی پرچہ کا امتحان جو 18 ؍ جون کو ہونے والا ہے۔ اس امتحان کیلئے طلباء کو امتحانی مراکز پر امتحان شروع ہونے سے کم از کم ایک گھنٹہ پہلے حاضر رہنا ہوگا۔ایس ایس ایل سی اور پی یو سی امتحان ہال میں داخل ہونے سے قبل ہی طلباء کو کورونا سے بچنے احتیاطی تدابیر پر عمل کرنا لازمی ہوگا۔ اس لئے طلباء کو امتحان شروع ہونے سے ایک گھنٹہ قبل امتحانی مرکز آنا ضروری قرار دیا گیا ہے۔

25 ؍ جون تا 4 ؍ جولائی ایس ایس ایل سی امتحان شروع ہوگا۔ جبکہ 18؍جون کو پی یو سی ملتوی شدہ انگریزی موضوع کا امتحان ہے۔ طلباء کو امتحان  ہال میں داخل ہونے سے قبل اس کی تھرمل چیکنگ کی جائیگی۔ اگر کسی طالب علم کو بخار ، کھانسی یا سردی کی علامت رہے گی تو اسے امتحان ہال میں داخلہ نہیں دیا جائیگا۔ امتحان مرکز پر ہی طلباء کو نئے ماسک تقسیم کئے جائینگے اور امتحانی مرکز میں میں داخلہ سے قبل بھی انہیں سماجی دوری بنائے رکھنا ضروری ہوگا۔

پی یو سی انگریزی پرچہ کے امتحان کیلئے پوری ریاست میں 1016 امتحانی مرکز بنائے گئے ہیں اور ہر 200 طلباء کی صحت جانچ کیلئے ایک ہیلتھ چیک اپ سنٹر امتحانی ہال کے باہر بنائے جارہے ہیں۔ جب طلباء کو بخار یا کھانسی کی علامت رہے گی ان کیلئے امتحان ہال میں بنائے گئے الگ کمرے میں امتحان لکھنے کی سہولت دی جائے گی۔

ریاست کے سرحدی علاقوں سے امتحان دینے آرہے طلباء  کیلئے بس یا ٹرین میں ای پاس کی سہولت فراہم کرنے محکمہ پی یو بورڈ کے ڈائرکٹر ایم کنکا گاولی نے پولیس سے درخواست کی ہے۔ امتحان دینے دیگر شہروں یا دیہاتوں سے آنے والے طلباء کیلئے مفت بس میں سفر کی سہولت فراہم کرے۔ ضلع ڈپٹی کمشنرس کی صدارت میں کمیٹیاں بنائی گئی ہیں۔ جو یہ نظام سنبھالیں گے۔