راجیہ سبھا میں مرجر صحیح اور یہاں غلط، بی جے پی کا چال-چریتر-چہرہ کہاں گیا! اشوک گہلوت
جے پور،یکم اگست(ایس او نیوز؍یو این آئی) راجستھان کے وزیراعلی اشوک گہلوت نے کہا بھارتیہ جنتا پارٹی (بی جے پی) کی نظر میں اس کا تلگو دیشم پارٹی (ٹی ڈی پی) سے راجیہ سبھا کے چار ممبران پارلیمنٹ کو اپنی پارٹی میں شامل کرنا صحیح ہے اور کانگریس کا ایسا کرنا غلط ہے، تو پھر بی جے پی کا چال چریتر (کردار) اور چہرہ کہاں گیا؟
گہلوت نے آج سوشل میڈیا کے ذریعے یہ بات کہی۔ انہوں نے کہا کہ بی جے پی نے ٹی ڈی پی کے چار ارکان پارلیمنٹ کوراجیہ سبھا کے اندر راتوں رات مرجر کروا دیا، وہ مرجر تو صحیح اور راجستھان میں بہوجن سماج پارٹی (بی ایس پی) کے چھ ایم ایل اے کانگریس میں مرجر کرگئے ، یہ مرکرغلط ہے، تو پھر بی جے پی کا کردار کہاں گیا۔
انہوں نے کہا ’’میں پوچھنا چاہتا ہوں کہ راجیہ سبھا میں مرجر ہو وہ صحیح ہے اور یہاں مرجر ہو وہ غلط ہے‘‘۔ انہوں نے ایس پی صدر مایاوتی کا نام لئے بغیر کہا کہ بی جے پی نے بہن جی کو آگے کر رکھا ہے اور ان کے کہنے پر وہ بیانات دے رہی ہیں۔ بی جے پی جس طرح سی بی آئی، ای ڈی اور انکم ٹیکس کا غلط استعمال کررہی ہے، سب کو دھمکا رہی ہے، راجستھان میں کیا ہو رہا ہے، سب جانتے ہیں، ایسا تماشہ کبھی نہیں دیکھا۔ وہ ان سے ڈرتی ہیں اور مجبوری میں بیان دے رہی ہیں۔
قابل ذکر ہے کہ ٹی ڈی ایس ممبران پارلیمنٹ وائی ایس چودھری، سی ایم رمیش، ٹی جی وینکٹیش اور جی ایم راؤ نے حال ہی میں بی جے پی میں شمولیت اختیار کرلی ہے۔ اس سے قبل پچھلے سال راجستھان میں بی ایس پی کے چھ ممبران اسمبلی، راجندر گڈھا، واجب علی، جوگندر آوانا، سندیپ یادو، دیپ چند کھیریا اور لاکھن سنگھ کانگریس میں شامل ہوئے تھے۔