مینگلور کے قریب پتورمیں ایک بزرگ مرد اور نوجوان لڑکی کا دوہرا قتل۔ مقتول بزرگ کی اہلیہ شدید زخمی

Source: S.O. News Service | By I.G. Bhatkali | Published on 19th November 2019, 5:59 PM | ساحلی خبریں | ان خبروں کو پڑھنا مت بھولئے |

مینگلور19/نومبر (ایس او نیوز) قریبی علاقہ  پتور کے ہوسمار علاقے میں ایک وحشت ناک دوہرے  قتل کی واردات پیش آئی ہے جس میں کوگّو صاحب (65 سال) اور ان کی نواسی سمیحہ بانو(16سال) جاں بحق ہوگئے ہیں جبکہ کوگّو صاحب کی اہلیہ خدیجہ بی(۵۵سال) شدید زخمی ہوگئی ہیں اور انہیں زندگی اور موت کی کیفیت میں علاج کے لئے اسپتال میں داخل کیاگیا ہے۔

اطلاع  کے مطابق گھر میں یہ تین افراد ہی مقیم تھے۔ جن میں سے دو کی موت ہوئی ہے اور زخمی خدیجہ بھی کچھ بھی بتانے کے قابل نہیں ہے۔ اس وجہ سے قتل کی وجہ اور قاتل کے بارے میں پولیس یا مقامی افراد فی الحال کسی نتیجے پر پہنچ نہیں سکے ہیں۔بتایا گیا ہے کہ جب ایک کرایے کے مکان میں رہنے والا موگّو صاحب کا بیٹا عبدالرزاق منگل کے دن صبح کے وقت اپنے والدین سے ملنے پہنچا تو اس نے تینوں کو  خون میں لت پت  پڑ اہوا دیکھ کر آس پاس کے لوگوں کو خبر کردی۔ جب تک دیگر افراد وہاں تک پہنچتے تب تک موگو صاحب اورنویں جماعت کی طالبہ سمیحہ بانو کی موت واقع ہوچکی تھی۔ اور خدیجہ بی کی سانسیں چل رہی تھیں۔

 قتل کی اس واردات کی خبر ملنے پر سمپیا پولیس اسٹیشن کے افسران نے موقع پر پہنچ کر معائنہ کیااور کیس درج کرنے کے بعدچھان بین شروع کردی۔

اب تک اس بات کا پتہ نہیں چل پایا ہے کہ آیا یہ واردات  جائداد کے تنازعے کو لے کر ہوئی ہے یا پھر ڈکیتی کرنے کے مقصد سے پیش آئی  ہے۔

ایک نظر اس پر بھی

منڈگوڈ میں تبت کے روحانی پیشوا دلائی لامہ  : دھرم کے نا م پر فساد ات میں اضافہ قابل تشویش

بودھ کا مطالعہ مسلسل کریں گے تو ہی اگلی صدی تک بودھ دھرم کی تہذیب کا عام ہونا ممکن ہے، صدیوں سے جاری نالندہ کی روایات کا تحفظ کرتے ہوئے اس کی پرورش جاری رکھنا فخر کی بات ہے۔  تبت کے دھرم گرو دلائی لامہ نے ان خیالات کااظہار کیا۔

کاروار میں  بحرہ ٔ عرب کا  ساحل 175میٹر پیچھے !: آبی حیات کے لئے خطرے کی گھنٹی

1932کے بعد بحرہ ٔ عرب 175میٹر پیچھے چلا گیا ہے اور زمین پر ریت لاکر انڈیل دی ہے، جس کے نتیجےمیں کاروار شہر کے اطراف قریب 150ہیکٹر زمینی علاقہ بن گیا ہے۔ ان حالات کی وجہ سے آبی حیات کو خطرہ درپیش ہونے کا ماہرین نے انتباہ دیاہے۔

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...

میڈیا کی پیش کردہ تصویر سے کوسوں دورہے میرا شہر بھٹکل :  سرکاری اسپتال کی میڈیکل آفیسر ڈاکٹر سویتا کا تجربہ

برائیوں میں ڈوبی دنیا میں آج بھی  انسانیت ہے،ایسی ہی ایک زندہ مثال میرےاپنے امن وامان کے لئے مشہور  شہر بھٹکل میں خود میرے ساتھ پیش آئی ہے ،جب کہ میرے اس شہر کے متعلق میڈیا ہزار باتیں لکھتا ہےاور جو دکھاتا ہے وہ اس سے کوسو ں دور ہے۔ بھٹکل سرکاری اسپتال کی میڈیکل آفیسر ڈاکٹر ...

بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

  وزیر داخلہ امت شاہ کی پراسرار ’تسلی‘ کہا؛   ہندوستانی مسلمان، ہندوستانی تھے اور آئندہ بھی رہیں گے

وزیر داخلہ امت شاہ نے بدھ کو متنازعہ شہریت ترمیمی بل کو راجیہ سبھا میں بحث کے لیے پیش کرتے ہوئے کہا کہ بھارت کے مسلمان ہندوستانی شہری تھے، ہیں اورآئندہ بھی رہیں گے۔پاکستان، بنگلہ دیش اور افغانستان کے غیر مسلم تارکین وطن کو بھارتی شہریت فراہم کرنے کی فراہمی والے اس بل کو پیش ...