ڈبل انجن کی حکومت جگاڑوہے، بیمار بچوں کو پٹنہ لانے کی سکت نہیں: رابڑی دیوی
پٹنہ،20/جون (ایس او نیوز/ آئی این ایس انڈیا) سابق وزیر اعلی رابڑی دیوی نے ٹویٹ کر بہار حکومت پر حملہ بولا ہے۔ رابڑی نے لکھا کہ کیا ڈبل انجن حکومت کے دونوں جگاڑو انجنوں میں بیمار بچوں کو علاج کے لیے پٹنہ تک لانے کی سکت نہیں ہے۔ واضح ہو کہ مظفر پور میں دماغ بخار سے اب تک 144 بچوں کی موت ہو چکی ہے۔ 300 سے زیادہ بچے داخل ہیں۔ ان میں زیادہ تر بچے مظفر پور کے ہیں۔ پٹنہ اور دہلی سے ڈاکٹروں کی ایک ٹیم مظفر پور بھیجی گئی ہے۔ وہاں سے کسی بچے کو ریفری نہیں کیا گیا ہے۔ اسی کو لے کر رابڑی دیوی نے حکومت پر سوال کھڑے کئے ہیں۔ رابڑی دیوی نے آگے لکھا کہ حکومت بتائے 14 سال میں کتنے بچے ان کی لاپرواہی، کرپشن اور عدم سہولت کی بھینٹ چڑھے ہے؟۔500 کروڑ کے سوشاسن بابو اشتہارات دینے سے اچھا ہوتا اگر بچوں کے لئے ادویات اور بستر کا انتظام کرتے۔