ہڑتال پر بولے ہرش وردھن، ڈاکٹروں کی سیکوریٹی کیلئے ممتا بنرجی سے کریں گے بات
نئی دہلی، 14 جون(ایس او نیوز/آئی این ایس انڈیا) مغربی بنگال میں ایک جونیئر ڈاکٹر کے ساتھ ہوئی مارپیٹ کے واقعہ سے پورے میڈیکل ایسوسی ایشن میں غصہ ہے۔اس واقعہ کے بعد میڈیکل ایسوسی ایشن نے 14 جون کو کالا دن قرار دیا ہے اور ملک بھر کے ڈاکٹر ہڑتال پر چلے گئے ہیں۔اس پر مرکزی وزیر صحت ڈاکٹر ہرش وردھن نے تمام ڈاکٹروں سے کام پر واپس لوٹنے کی اپیل کی ہے۔اس معاملے پر مرکزی وزیر صحت ڈاکٹر ہرش وردھن نے کہا کہ ڈاکٹروں کو مکمل تحفظ دیا جانا چاہئے اور ممتا بنرجی کو ڈاکٹروں کی حفاظت کو یقینی بنانا چاہیے اور اس کے لئے تصفیہ کرنا چاہئے۔انہوں نے کہا کہ اس کو لے کر وہ بہت جلد ہی وزیر اعلی کو خط لکھیں گے اور ممتا بنرجی سے بات کریں گے۔اس کے ساتھ ہی انہوں نے کہاکہ سب سے پہلے تو میں ممتا بنرجی سے اپیل کرنا چاہتا ہوں کہ وہ اس موضوع پر انتہائی صبر سے سنجیدگی سے نوٹس لیں اور اسے وقار کا سوال نہ بنائیں۔ہرش وردھن نے کہاکہ بنگال کے ڈاکٹروں کے ساتھ جو ڈاکٹر دہلی اور سارے ملک بھر میں ہڑتال کر رہے ہیں ان سے میں مریضوں کے مفاد کی اپیل کرتا ہوں،یہ چاہے تو علامتی احتجاج کریں، لیکن ہڑتال کے علاوہ دیگر علامتی طریقوں سے بھی مخالفت کی جا سکتی ہے۔انہوں نے کہاکہ ڈاکٹروں کو سہولیات ملنی چاہئے،میں یقین دلاتا ہوں کہ میں ان کی حفاظت میں مؤثر اقدامات کرنے کے لئے تمام وزراء اعلی کو خط لکھوں گا۔اس کے علاوہ ان کے سیکورٹی کے معاملے میں اور بھی زیادہ بہتر کیا ہو سکتا ہے، اس پر فوری طور پر جلدی کارروائی کروں گا۔انہوں نے کہا کہ تمام وزرائے اعلی کو خط لکھنے کے ساتھ ساتھ میں کوشش کروں گا کہ ممتا بنرجی سے بات بھی کروں۔