کیا آپ جانتے ہیں ملک میں کورونا سے کتنے بچے یتیم ہوگئے ؟
نئی دہلی:8؍جون(ایس اؤ نیوز) قومی کمیشن برائے حقوق اطفال سپریم کورٹ کو سونپی افی ڈیوٹ میں کہاہے کہ ملک میں کورونا وباء کی وجہ سے اپنے والدین کو کھونے والے 30ہزار سے زائد بچوں کے تحفظ اور دیکھ بھال کی سخت ضرورت ہے۔اس سلسلے میں مختلف ریاستوں سے جانکاری حاصل کرنےکے بعد این سی پی سی آر نے سپریم کورٹ میں اپنی افی ڈیوٹ سونپی ہے۔
افی ڈیوٹ کے مطابق کورونا وباء کی وجہ سے 3632بچے یتیم ہوگئےہیں۔ پچھلے برس یکم اپریل سے رواں سال جون 5تک کل 26176 بجے اپنے والدین میں سے کسی ایک کو کھو یا ہے۔ ریاستی حکومتوں کی طرف سے کووڈ سے متاثرہلاک ہونے والوں کے متعلق اپنے پورٹل میں اپ لوڈ کردہ اعداد شمارات پر انحصار کرتےہوئے حساب لگائے جانےکی بات کہی گئی ہے۔
این سی پی آر نے افی ڈیوٹ میں اس بات کو بھی واضح کیا ہے کہ افی ڈیوٹ میں دی گئی یتیم بچوں کی تعداد اس سے کہیں زیادہ ہوسکتی ہے کیونکہ کئی ریاستوں نے یتیم بچوں کے متعلق معلومات حاصل نہیں کی ہیں۔ مختلف دیہی علاقوں میں ، دہلی اور مغربی بنگال جیسی ریاستوں میں اس طرح کی کوئی جانکاری نہیں لی گئی ہے۔
وکیل سوروپما چترویدی نے کورٹ میں داخل کی افی ڈیوٹ میں کہاہے کہ گذشتہ ایک برس میں 274بالکل تنہا ہوگئےہیں۔ یتیمی کا شکار ہوئے 20سے 30ہزار بچے 0-13عمر کے ہیں۔ اس طرح کی جانکاری دینے میں دہلی اور مغربی بنگال ناکام ہونے کی اطلاع سالسٹر جنرل کے ایم نٹراجن نے کہی۔ سپریم کورٹ کی بنچ نے این پی سی آر کو ہدایت دی کہ جو رپورٹ موصول ہوئی ہے وہ فوری طورپر بال سوارج پورٹل پر اپ لوڈ کی جائے۔
