کسی زبان کو تھوپانہ جائے اورکسی مخصوص زبان کی مخالفت نہ کی جائے:نائب صدر

Source: S.O. News Service | Published on 21st September 2019, 11:38 AM | ریاستی خبریں | ملکی خبریں |

نئی دہلی،21؍ستمبر (ایس او نیوز؍یواین آئی) نائب صدر جمہوریہ ہند ایم وینکیانائیڈو نے آج لوگوں سے کہا کہ وہ جتنی ممکن ہو اتنی زبانیں سیکھیں اور کہا کہ کسی بھی زبان کو تھوپا نہیں جاناچاہئے، نہ ہی کسی مخصوص زبان کی مخالفت ہونی چاہئے -شاردا ریزیڈنشیل اسکول کے ناسا اور امریکہ کے دیگر مقامات کا دورہ کرنے کے بعد حال ہی میں واپس لوٹنے والے طلباء سے بات چیت کرتے ہوئے مسٹرنائیڈو نے کہا کہ ہندوستا ن بہت سی زبانوں سے مالامال ہے - انہوں نے طلباء اور اساتذہ سے کہا کہ وہ دیگر زبانیں سیکھنے کے ساتھ ساتھ مادری زبان کے فروغ کو اہمیت دیں -سفر کرنے کو تعلیم اور اعلیٰ تعلیمی تجربے کی ہی ایک شکل قرار دیتے ہوئے نائب صدر جمہوریہ نے طلباء کو مشورہ دیا کہ وہ ہندوستانی ثقافت، وراثت، زبانوں، کھانوں کی مختلف شکلوں سے واقفیت حاصل کرنے کیلئے اور ہندوستان کی منفرد ثقافتی گوناگونیت کو بہتر طریقے سے سمجھنے کیلئے اندرون ہندوستان تمام بڑے سیاحتی مقامات کا دورہ کریں - انہوں نے کہاکہ باہر جانے سے قبل اندرون ملک دیکھیں اور اپنی معلومات میں اضافہ کریں -وزیراعظم نریندر مودی کی اپیل کا حوالہ دیتے ہوئے انہوں نے لوگوں سے کہا کہ وہ گھریلو سیاحت کو فروغ دینے کیلئے سال2022تک ہندوستان کے پندرہ سیاحتی مقامات دیکھیں - مسٹر وینکیانائیڈو نے ہندوستان کے تاریخی، روحانی، قدرتی مناظر والے سیاحتی مقامات دیکھنے اور ہندوستان کی ثقافتی وراثت کا پتہ لگانے کا مشورہ دیا-انہوں نے کہاکہ اس طرح کے دوروں سے آپ کی معلومات میں اضافہ ہوگا اور آپ کو اپنے ماضی کے بارے میں بھی پتہ چلے گا-بچوں کو قدرت کی گود میں وقت گزارنے کا مشورہ دیتے ہوئے نائب صدر جمہوریہ نے کہا کہ وہ قدرت اور ثقافت کو بچانے اور اس کے تحفظ کیلئے سرگرم رول ادا کریں - انہوں نے کہا کہ وہ وزیراعظم کے مشورے کے مطابق2اکتوبر سے ایک بار استعمال ہونے والے پلاسٹک کااستعمال بند کرنے کا عہد کریں -نائب صدر جمہوریہ نے نظام تعلیم کی اصلاح کی اپیل کی اور کہا کہ یہ ایسی ہونی چاہئے جس میں طلباء کو اسکول میں مزہ آئے - انہوں نے کہا کہ بچوں میں تجسس، تخلیقی صلاحیت، رحم دلی،اپنی بات کو دوسروں تک پہنچانے کی صلاحیت پیدا کرنے،انہیں پُراعتماد اور باصلاحیت بنانے والے پہلوؤں پر توجہ مرکوز کرنے کیلئے نصاب کی اصلاح کی ضرورت ہے-

ایک نظر اس پر بھی

عالمی یوم بنات کے موقع پر بنگلور کی اقرا اسکول کی نور عائشہ کا لڑکوں کی تعلیم کے ساتھ لڑکیوں کی تعلیم پر توجہ دینے کی ضرورت پر زور

عالمی یوم بنات کے موقع پر  اقرا انٹرنیشنل اسکول بنگلور کی بانی ڈائرکٹر نور عائشہ نے   معاشرتی خرابیوں کو دور کرنے کے لئے مسلمانوں پر زور دیا کہ مسلمانوں کو لڑکیوں کی تعلیم پر بھی اتنی ہی اہمیت دینی چاہیے جتنی اہمیت وہ لڑکوں کی تعلیم پر دیتے ہیں۔ کارڈف سے بزنس گریجویٹ نور ...

بنگلور میں منعقدہ پاپولر فرنٹ آف انڈیا کے زیراہتمام دلت-مسلم مذاکرہ میں سماجی اتحاد کی کوششوں کو مضبوط کرنے کا عزم

پاپولر فرنٹ آف انڈیا کے زیرِ اہتمام منعقدہ دلت-مسلم مذاکرہ میں شریک مندوبین نے زمینی سطح پر سماجی اتحاد کی تعمیر کے لئے قدم اٹھانے اور دلتوں اور مسلمانوں کے مشترکہ مسائل کے حل کے لئے مشترکہ حکمت عملی تیار کرنے کے عزم کا اظہار کیا

این آر سی کے متعلق مسلمان پریشان کیوں نہ ہوں؟ امیت شاہ کا فرمان اور ریاستی وزیر داخلہ بومئی کا متضاد بیان- کسے مانیں کسے چھوڑیں؟

کیا کرناٹک میں این آر سی کے نفاذ کے معاملے میں ریاستی حکومت کا موقف مرکزی حکومت خاص طور پر مرکزی وزیر داخلہ امیت شاہ کے موقف سے مختلف ہے- حالانکہ امیت شاہ نے حال ہی میں مغربی بنگال میں ایک بیان دیا تھا کہ اس ملک میں این آر سی کا عمل پورا ہونے کے بعد غیر ملکی قرار پانے والے ہندو، ...

سرکاری اسکولوں میں داخلوں میں اضافہ کیلئے تعلیمی معیار کو بہتر بنانا ضروری

ریاستی حکومت کی طرف سے آر ٹی ای قانون میں ترمیم کے بعد جاریہ تعلیمی سال اگرچہ کہ سرکاری اسکولوں میں بچوں کے داخلوں کے معاملہ میں کچھ اضافہ دیکھا گیا ہے، مگر محکمہ تعلیم اس اضافہ سے مطمئن نہیں ہے اس لئے کہ یہ نتائج اس کی امیدوں کے مطابق نہیں رہے ہیں،

بنگلورومیں کاروباری گروپ پر چھاپہ، 100کروڑ کی غیراعلانیہ آمدنی کا انکشاف

کرناٹک میں انکم ٹیکس محکمہ نے تعلیمی ادارے چلانے والے ایک کاروباری گروپ کے یہاں کئی کمپلکسوں پر چھاپے مارے جس میں تقریباََ 100 کروڑ روپے کی غیراعلانیہ آمدنی کے ثبوت ملنے کے ساتھ ہی 8.82 کروڑ روپے کی غیر اعلان شدہ املاک ضبط کی گئی ہے۔

بابری مسجد ملکیت مقدمہ ؛بحث کے دوران سارے سوال ہم سے ہی کیوں کئے جاتے ہیں؟ مسلم فریق کے وکیل ڈاکٹرراجیودھون کاسوال

دسہرہ کی تعطیلات کے بعد  پیر کو   ایک بار پھر بابری مسجد رام جنم بھومی ملکیت تنازعہ معاملہ کی سماعت شروع ہوئی  38 ویں دن مسلم فریقوں  کے وکیل ڈاکٹر راجیو دھون  نے  سوٹ نمبر 4 پر بحث کرتے ہوئے عدالت کو بتایا کہ برٹش حکومت نے ہندوؤں کو صرف مسجد کے باہری حصہ میں عبادت کرنے کی اجازت ...

كووند، مودی، نائیڈو، سونیا، راہل نے نوبل انعام جیتنے پر ابھیجیت بنرجی کو مبارکباد پیش کی

صدر جمہوریہ رام ناتھ كووند، نائب صدر ایم وینکیا نائیڈو، وزیر اعظم نریندر مودی اور کانگریس کی صدر سونیا گاندھی سمیت کئی لیڈروں نے ہندوستانی نژاد امریکی شہری ابھیجیت بنرجی کو اس سال معاشیات کے لئے نوبل انعام ملنے پر مبارکباد دی ہے اور کہا ہے کہ اس سے ملک فخر محسوس کر رہا ہے۔

ابھجیت بنرجی اور ان کی بیوی ڈُفلو کو ’اکونومک سائنسز‘ کے لیے ملا نوبل انعام

ہندنژاد امریکی شہری ابھیجیت بنرجی کوسال 2019کا اقتصادیات کا نوبل انعام دیاگیا ہے۔ بنرجی کے ساتھ ایشتر ڈوفلو اور مائیکل کریمرکو بھی مشترکہ طورپر نوبل انعام دینے کا اعلان کیاگیاہے۔ تینوں ماہرین اقتصادیات کو دنیا بھر میں غریبی دورکرنے کی سمت میں ایکسپیریمنٹ اپروچ کےلیے یہ ...

چنمیانند کیس: ایس آئی ٹی ’رڈار‘ پر بی جے پی کے 2 لیڈران، کی تھی ویڈیو خریدنے کی کوشش!

سابق مرکزی وزیر سوامی چنمیانند کے خلاف لگے جنسی استحصال کے الزامات کی جانچ کر رہی ایس آئی ٹی کی ٹیم متحرک ہے۔ اب اس کے رڈار پر شاہجہاں میں بی جے پی کے دو لیڈر آ گئے ہیں۔ امکان ظاہر کیا جا رہا ہے کہ دونوں لیڈر وصولی معاملے کے تین ملزمین میں سے ایک سنجے سنگھ کے ساتھ قریبی رابطہ ...

پاکستان پر دہشت گرد تنظیموں کے خلاف کارروائی کا دباؤ بڑھا:  اجیت ڈوبھال 

 قومی سلامتی کے مشیر اجیت ڈووال نے آج پاکستان پر الزام لگایا کہ وہ سوچی سمجھی پالیسی کے تحت دہشت گردی کی پرورش کر رہا ہے لیکن بین الاقوامی ادارہ مالی کارروائی دستہ ( اے ایف اے ٹی ایف) کے گھیرے میں آنے کے بعد سے اس پر دہشت گردی کے خلاف اقدامات کرنے کا دباؤ بڑھ رہا ہے۔