کاروار:اپنی نجی خواہشات کے لئے دوسروں پر الزام عائد نہ کریں : وزیر دیش پانڈے کا ہیبار پرپلٹ وار
کاروار :16؍جولائی (ایس اؤ نیوز) باغی گروپ میں شامل یلاپور کے رکن اسمبلی شیورام ہیبار نےاپنے فیس بک پیج پر ضلع نگراں کار وزیر آر وی دیش پانڈے کے خلاف لگائے گئے الزاما ت کا وزیر دیش پانڈے نے بھی فیس بک پر ہی کچھ اس طرح جواب دیا ہے۔ ’ہیبار اپنے نجی اور انفرادی فیصلوں اور خواہشات کے لئے خود ذمہ دار ہیں ، اس معاملےمیں دوسروں پر الزام عائد کرنا صحیح نہیں ہے‘۔
وزیر دیش پانڈے نے اپنے فیس بک پیج پر جواب پوسٹ کرتےہوئے کہاہےکہ عوامی نمائندے اور ضلع نگراں کار وزیر کی حیثیت سے علاقے کی ترقی کے لئے میں نےاپنی بساط یا اس سے بھی زائد محنت و کوشش کی ہے۔وہیں ہیبار سے سوال بھی کیا ہے کہ ہمارے اطراف جو کوئی ترقی جات کام جاری ہیں وہ سب کو دکھائی دے رہاہے۔ اس کا ہیبار نے اپنی باتوں میں کئی مرتبہ ذکر بھی کیا ہے، ہے نا؟۔
باغی گروہ کے ساتھ ممبئی میں قیام کئے یلاپور کے رکن اسمبلی شیورام ہیبار نے اپنے فیس بک پیج پر لکھا تھا کہ مخلوط حکومت میں اپنی زوردار کوششوں کے باوجود اپنے حلقہ کے لئے ایک بھی نیا منصوبہ لانے میں کامیاب نہیں ہوا۔ اس سلسلے میں ضلع نگراں کار وزیر نےاپنے ہی ضلع سے منتخب وزیر کے مسائل کو سننے پرتوجہ نہیں دینے کا وزیر دیش پانڈےپرالزام لگایا تھا۔