ڈی کے شیوکمار خاندان سمیت آسٹریلیا روانہ

Source: S.O. News Service | By Shahid Mukhtesar | Published on 21st May 2019, 11:25 AM | ریاستی خبریں |

بنگلورو، 21مئی (ایس او نیوز)  ریاست کی مخلوط حکومت کے لئے کسی بھی طرح کی پریشانی کے مرحلے میں پیش پیش رہ کر اسے نپٹانے کی جدوجہد کرنے والے وزیربرائے آبی وسائل ڈی کے شیوکمار انتخابی نتائج کے عین قبل اپنے خاندان سمیت دورہئ آسٹریلیاں کے لئے روانہ ہوچکے ہیں۔ لوک سبھا انتخابات میں کامیابی کی صورت میں ریاسٹ کی مخلوط حکومت گرانے کے لئے بی جے پی کی کوششوں کے اندیشوں کے باوجود ڈی کے شیوکمار خاندان سمیت آسٹریلیا روانگی سیاسی حلقوں میں موضوع بحث بنی ہوئی ہے۔ بتایاجاتاہے کہ ڈی کے شیوکمار سات دنوں تک آسٹریلیا کے دورے پر رہیں گے۔آج صبح ہی وہ اپنے خاندان سمیت اس  دورے کے لئے روانہ ہوگئے۔ بی جے پی کی طرف سے ریاستی حکومت کو گرانے کی کسی بھی کوشش کی صورت میں یہ توقع کی جارہی تھی کہ ڈی کے شیوکمار پیش پیش رہ کر حکومت کو بچانے میں نمایاں کردار ادا کریں گے، لیکن ان کی آسٹریلیا روانگی کئی حلقوں میں حیرت کا سبب بنی ہوئی ہے۔ ایک طرف بی جے پی کی طرف سے یہ اعلان کہ مخلوط حکومت کو گرانے کے لئے کامیابی کے بعد وہ کوئی کسر باقی نہیں رکھے گی تو دوسری طرف اس صورتحال سے تنہا مقابلہ کرنے کی طاقت رکھنے والے ڈی کے شیوکمار کی عدم موجودگی کئی سوالات کھڑے کررہی ہے۔

ایک نظر اس پر بھی

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔

دہشت گردانہ حملے کا خطرہ۔ ساحلی کرناٹکا سمیت پوری ریاست میں ہائی الرٹ جاری۔ منگلورو میں ایک لاڈج سے 9مشتبہ افراد گرفتار

ملک کی خفیہ ایجنسی نے کشمیر میں دستور کی دفعہ 370aاور ریاست خصوصی درجہ دینے والی دفعہ ہٹائے جانے کے خلاف ملک کے اہم مقامات پر دہشت گردانہ حملے کا اندیشہ ظاہر کیا ہے، جس کے بعد پوری ریاست کے اہم شہروں میں ہائی الرٹ جاری کیا گیا ہے۔