کووِڈ اَپ ڈیٹ: جنوبی کینرا میں مرنے والوں کی تعداد ہوگئی 300کے پار۔سامنے آئے202تازہ معاملے۔ اڈپی ضلع میں 278افراد کی رپورٹ آئی پوزیٹیو
منگلورو،22؍اگست (ایس او نیوز) جنوبی کینرا ڈپٹی کمشنر ڈاکٹر کے وی راجیندرا کے بیان کے مطابق ضلع میں جمعہ کے دن5کورونا مریضوں کی موت واقع ہوگئی، جس کے ساتھ وہاں پر کووِڈ سے ہوئی ہلاکتوں کی تعداد بڑھ کر 301ہوگئی۔ اس کے علاوہ 202تازہ پوزیٹیو کیسس بھی دیکھنے کو ملے ہیں۔
کل ہلاک ہونے والوں میں منگلورواور پتور سے ایک ایک، بنٹوال سے دو اور بیرون ضلع کا ایک مریض شامل ہے۔ نئے پوزیٹیو کیس جو سامنے آئے ہیں ان میں سے 69معاملے ایسے ہیں جن میں بیماری لگنے کا بنیادی ذریعہ پتہ چل نہیں پایا ہے۔جمعہ کے دن کووڈ سینٹرز اور اسپتالوں سے کُل 64مریض صحت یاب ہونے پر ڈسچارج کیے گئے ہیں۔جس کے بعد ضلع میں کورونا سے مکمل صحت یاب ہونے والوں کی تعداد 7,193ہوگئی ہے، جبکہ فی الحال 2,420ایکٹیومریض زیر علاج ہیں۔
ادھر اڈپی ضلع سے ملنے والی رپورٹ کے مطابق کل جملہ 278افراد کی جانچ رپورٹ پوزیٹیو نکلی ہے، جس کے بعد ضلع میں کووڈ سے متاثر ہونے والوں کی تعداد بڑھ کر 9668ہوگئی ہے۔ ڈی ایچ او ڈاکٹر سدھیر چندراسوڈا نے بتایا کہ جمعہ کے جو جانچ رپورٹ آئی ہے اس میں 1,516افراد کی رپورٹ نگیٹیو آئی ہے۔ اس کے علاوہ کل ایک ہی دن میں 365افراد کو صحت یابی کے بعد اسپتالوں سے چھٹی بھی دی گئی ہے۔جس کے بعد اب تک شفایاب ہونے والوں کی تعداد 6,857ہوگئی ہے جبکہ 2729مریض ابھی زیرعلاج ہیں۔جمعہ کے دن اڈپی ضلع میں کووِ ڈ سے تین افراد کی موت بھی واقع ہوئی ہے۔